Helicopter Car: రోడ్ల మీద హెలీకాఫ్టర్ తిరుగుతోందేంటని అవాక్కవుతున్నారా..? ఇది కారే..!
ABN, First Publish Date - 2022-12-21T18:36:36+05:30
వినూత్నంగా ఆలోచించాలే గానీ.. మన కళ్ల ముందు ఉన్న వస్తువులతోనే అద్భుతాలు సృష్టించవచ్చు. ఇందుకు నిదర్శంగా గతంలో ఎంతో మంది పనికి రావని పక్కన పడేసిన వస్తువులతోనే నూతన ఆవిష్క్రణలు చేసిన విషయం తెలిసిందే. ప్రస్తుతం ..
వినూత్నంగా ఆలోచించాలే గానీ.. మన కళ్ల ముందు ఉన్న వస్తువులతోనే అద్భుతాలు సృష్టించవచ్చు. ఇందుకు నిదర్శంగా గతంలో ఎంతో మంది పనికి రావని పక్కన పడేసిన వస్తువులతోనే నూతన ఆవిష్క్రణలు చేసిన విషయం తెలిసిందే. ప్రస్తుతం ఉత్తరప్రదేశ్‌కు చెందిన ఓ వ్యక్తి కూడా ఈ కోవలోకి వచ్చి చేరాడు. ఓ పాత కారును ఏకంగా హెలీకాఫ్టర్‌గా మార్చేశాడు. దీన్ని చూసి జనం మొత్తం రోడ్ల మీద హెలీకాప్టర్ తిరుగుతోందేంటని ఆశ్చర్యం వ్యక్తం చేస్తున్నారు. చివరకు అసలు విషయం తెలుసుకుని.. యువకుడిని అభినందలతో ముంచెత్తుతున్నారు.
కారు పక్కన ఫొటోలు దిగుతున్న ఇద్దరు కుర్రాళ్లు.. యజమాని చూసి ఏం చేశాడో అస్సలు ఊహించలేరు..!
ఉత్తరప్రదేశ్ (Uttar Pradesh) అజంగఢ్ జిల్లాకు చెందిన ఓ కార్పొరేటర్ ఆవిష్కరణ.. సోషల్ మీడియాలో (Social media) చర్చనీయాంశంగా మారింది. సల్మాన్ అనే వ్యక్తి స్థానికంగా కార్పెంటర్‌గా పని చేస్తున్నాడు. ఇతడు కారును హెలీకాప్టర్‌గా మార్చాలని నిర్ణయించుకున్నాడు. ఇందుకోసం అతను ఓ పాత నానో కారును (Nano car) కొని.. సుమారు రూ.3లక్షలు ఖర్చు చేసి హెలీకాప్టర్‌గా (Helicopter) మార్చేశాడు. దీనికి సుమారు నాలుగు నెలల సమయం పట్టిందని చెప్పాడు. ప్రస్తుతం ఇలాంటి వినూత్న కార్లకు మంచి డిమాండ్ ఉండడంతో ఈ నిర్ణయం తీసుకున్నట్లు తెలిపాడు. ఈ హెలీకాప్టర్ కారుకు రంగుంగుల లైట్లు అమర్చడంతో రాత్రి వేళ మరింత ఆకర్షణీయంగా కనపడుతోంది. దీంతో ప్రజలు దీన్ని ఆసక్తిగా తిలకిస్తున్నారు. ఈ కారుకు సంబంధించిన ఫొటోలు, వీడియోలు.. సోషల్ మీడియాలో తెగ వైరల్ అవుతున్నాయి. కార్పెంటర్‌ను అభినందిస్తూ నెటిజన్లు కామెంట్లు చేస్తున్నారు.
Updated Date - 2022-12-21T18:44:39+05:30 IST