Bangladesh vs India: ముగిసిన రెండో రోజు ఆట
ABN, First Publish Date - 2022-12-23T17:13:24+05:30
బంగ్లాదేశ్-భారత్ మధ్య జరుగుతున్న రెండో టెస్టు రెండో రోజు ఆట ముగిసింది. 314 పరుగుల వద్ద టీమిండియా తొలి ఇన్నింగ్స్ ముగిశాక రెండో ఇన్నింగ్స్ ప్రారంభించిన బంగ్లాదేశ్ (Bangladesh) ఆట ముగిసే సమయానికి వికెట్
ఢాకా: బంగ్లాదేశ్-భారత్ మధ్య జరుగుతున్న రెండో టెస్టు రెండో రోజు ఆట ముగిసింది. 314 పరుగుల వద్ద టీమిండియా తొలి ఇన్నింగ్స్ ముగిశాక రెండో ఇన్నింగ్స్ ప్రారంభించిన బంగ్లాదేశ్ (Bangladesh) ఆట ముగిసే సమయానికి వికెట్ నష్టపోకుండా 7 పరుగులు చేసింది. నజ్ముల్ హొసైన్ షంటో (5), జకీర్ హసన్ (2) క్రీజులో ఉన్నారు. అంతకుముందు ఓవర్ నైట్ స్కోరు 19/0తో రెండో రోజు తొలి ఇన్నింగ్స్ ప్రారంభించిన భారత జట్టు (Team India) 314 పరుగులకు ఆలౌట్ అయింది. ఫలితంగా 87 పరుగుల ఆధిక్యం లభించింది.
టీమిండియా బ్యాటర్లలో రిషభ్ పంత్ 93 పరుగులతో టాప్ స్కోరర్‌గా నిలవగా, శ్రేయాస్ అయ్యర్ 87 పరుగులు చేశాడు. మిగతా వారిలో ఎవరూ చెప్పుకోదగ్గ స్కోరు చేయలేకపోయారు. స్టాండిన్ కెప్టెన్ కేఎల్ రాహుల్ మరోమారు దారుణంగా విఫలమయ్యాడు. 10 పరుగులు మాత్రమే చేసి పెవిలియన్ చేరాడు. పుజారా, కోహ్లీ కూడా బ్యాట్ ఝళిపించలేకపోయారు. ఇద్దరూ చెరో 24 పరుగులు చేసి అవుటయ్యారు. బంగ్లాదేశ్ బౌలర్లలో షకీబల్ హసన్, తైజుల్ ఇస్లాం చెరో నాలుగు వికెట్లు తీసుకున్నారు.
Updated Date - 2022-12-23T17:15:52+05:30 IST