Ind vs Zim: రోహిత్‌ను కలిసేందుకు గ్రౌండ్‌లోకి దూసుకెళ్లిన అభిమానికి భారీ జరిమానా!
ABN, First Publish Date - 2022-11-06T19:16:28+05:30
భారత్-జింబాబ్వే మ్యాచ్ సందర్భంగా ఓ అనుకోని సంఘటన జరిగింది. భారత జట్టు ఫీల్డింగ్ చేస్తున్న సమయంలో
మెల్‌బోర్న్: భారత్-జింబాబ్వే మ్యాచ్ సందర్భంగా ఓ అనుకోని సంఘటన జరిగింది. భారత జట్టు ఫీల్డింగ్ చేస్తున్న సమయంలో ఓ అభిమాని సెక్యూరిటీ సిబ్బంది కళ్లుగప్పి మైదానంలోకి దూసుకెళ్లాడు. టీమిండియా సారథి రోహిత్ శర్మ (Rohit Sharma) దగ్గరికి వస్తూనే భావోద్వేగానికి గురై కన్నీళ్లు పెట్టుకున్నాడు. వెంటనే అప్రమత్తమైన భద్రతా సిబ్బంది అతడిని పట్టుకుని తీసుకెళ్లారు. ఆ తర్వాత అతడికి రూ. 6.5 లక్షల జరిమానా విధించారు. ఇక, ఈ మ్యాచ్ విషయానికి వస్తే జింబాబ్వేపై భారత జట్టు 71 పరుగుల తేడాతో విజయం సాధించి గ్రూప్-2లో అగ్రస్థానానికి దూసుకెళ్లింది. ఈ నెల 10న జరగనున్న రెండో సెమీస్‌లో భారత్-ఇంగ్లండ్ జట్లు తలపడతాయి.
టీమిండియా స్టార్ బ్యాటర్ సూర్యకుమార్ యాదవ్ (suryakumar yadav) ఈ మ్యాచ్‌లో బ్యాట్‌తో జింబాబ్వే బౌలర్లను బెంబేలెత్తించాడు. 25 బంతుల్లో 6 ఫోర్లు, 4 సిక్సర్లతో 61 పరుగులు చేశాడు. కేఎల్ రాహుల్ 35 బంతుల్లో 3 ఫోర్లు, 3 సిక్సర్లతో 51 పరుగులు చేశాడు. భారత్ నిర్దేశించిన 187 పరుగుల విజయ లక్ష్యంతో బ్యాటింగ్ ప్రారంభించిన జింబాబ్వే 17.2 ఓవర్లలో 115 పరుగులకు ఆలౌట్ అయింది. కాగా, ఈ మ్యాచ్‌లో 61 పరుగులు సాధించిన సూర్యకుమార్ యాదవ్.. టీ20ల్లో ఒక క్యాలెండర్ ఇయర్‌లో 1000 పరుగులు పూర్తి చేసిన తొలి ఇండియన్ బ్యాటర్‌గా రికార్డులకెక్కాడు.
Updated Date - 2022-11-06T19:16:29+05:30 IST