Brother Anil: షర్మిలను పరామర్శించేందుకు ఎస్‌ఆర్‌నగర్‌ పీఎస్‌కు వెళ్లిన బ్రదర్ అనిల్
ABN, First Publish Date - 2022-11-29T17:56:34+05:30
వైఎస్ షర్మిల (YS Sharmila)ను పరామర్శించేందుకు ఎస్‌ఆర్‌నగర్‌ పోలీసు స్టేషన్‌కు బ్రదర్ అనిల్ (Brother Anil) వెళ్లారు. అనిల్‌ను మాత్రమే పోలీస్ స్టేషన్ లోకి పోలీసులు అనుమతించారు.
హైదరాబాద్‌: వైఎస్ షర్మిల (YS Sharmila)ను పరామర్శించేందుకు ఎస్‌ఆర్‌నగర్‌ పోలీసు స్టేషన్‌కు బ్రదర్ అనిల్ (Brother Anil) వెళ్లారు. అనిల్‌ను మాత్రమే పోలీస్ స్టేషన్ లోకి పోలీసులు అనుమతించారు. స్టేషన్‌లో ఉన్న షర్మిలను భర్త అనిల్ పరామర్శించారు. పాదయాత్ర చేయడం తప్పా? అని బ్రదర్ అనిల్ ప్రశ్నించారు. నిరసన తెలిపే హక్కు ప్రతి ఒక్కరికీ ఉంటుందని బ్రదర్ అనిల్ అన్నారు.
వైఎస్సార్టీపీ అధినేత్రి షర్మిల (YS Sharmila)ను పోలీసులు అరెస్ట్ చేశారు. నిన్న ధ్వంసమైన కారులో భారీ కాన్వాయ్‌తో ప్రగతిభవన్ ముట్టడికి షర్మిల యత్నించారు. దీంతో వెంటనే అప్రమత్తమైన పోలీసులు సోమాజిగూడ వద్ద షర్మిలను అడ్డుకుని అరెస్ట్ చేశారు. ఈ క్రమంలో పోలీసులతో షర్మిల వాగ్వాదానికి దిగారు. కారులో నుంచి దిగేందుకు షర్మిల నిరాకరించారు. డోర్‌ లాక్‌ చేసుకుని కారు లోపలే ఉండిపోయారు. దీంతో సోమాజిగూడ పరిసర ప్రాంతాలో భారీగా ట్రాఫిక్ నిలిచిపోవడంతో పోలీసులు.. షర్మిల ఉన్న కారును క్రేన్‌ సాయంతో లిఫ్ట్ చేసి స్టేషన్‌కు తరలించారు.
Updated Date - 2022-11-29T18:22:57+05:30 IST