TS News: ఈ సాయంత్రం తెలంగాణ గవర్నర్ తమిళిసై కీలక ప్రెస్ మీట్
ABN, First Publish Date - 2022-11-09T15:32:13+05:30
హైదరాబాద్: తెలంగాణ గవర్నర్ తమిళి సై బుధవారం సాయంత్రం రాజ్‌‌భవన్‌‌లో కీలక ప్రెస్ మీట్ నిర్వహించనున్నారు.
హైదరాబాద్: తెలంగాణ గవర్నర్ తమిళి సై బుధవారం సాయంత్రం రాజ్‌‌భవన్‌‌లో కీలక ప్రెస్ మీట్ నిర్వహించనున్నారు. రాష్ట్రంలో నెలకొన్న పరిస్థితులపై సాయంత్రం 4.30 గంటలకు గవర్నర్ స్పందించనున్నారు. పెండింగ్ బిల్లులు, ప్రభుత్వంతో ముదురుతున్న వివాదంపై తమిళిసై వివరణ ఇవ్వనున్నారు. ప్రభుత్వానికి లేఖ రాసిన అంశంతో పాటు యూ
నివర్సిటీల్లో నెలకొన్న సమస్యలు, బీజేపీ నేతల ఫోన్‌ టాపింగ్ ఫిర్యాదులపై గవర్నర్ స్పందించనున్నారు. రెండు రోజుల ఢిల్లీ పర్యటన ముగించుకుని బుధవారం ఉదయం గవర్నర్ హైదరాబాద్ చేరుకున్నారు. ఢిల్లీ పర్యటనలో కేంద్ర హోంమంత్రి అమిత్ షాతో తమిళిసై భేటీ అయ్యారు. రాష్ట్రంలో నెలకొన్న పరిస్థితులపై నివేదిక సమర్పించారు.
కాగా గవర్నర్‌ను కలిసేందుకు ప్రభుత్వం సిద్దమైంది. తమిళిసై ఎప్పుడు అపాయింట్‌మెంట్ ఇస్తే అప్పుడు వెళ్లేందుకు మంత్రి, అధికారులు సిద్దంగా ఉన్నారు. అన్నింటికి వివరణ ఇచ్చేందుకు సిద్దంగా ఉన్నామని ప్రభుత్వ వర్గాలు తెలిపాయి.
Updated Date - 2022-11-09T15:32:17+05:30 IST