Vijayashanti: అధికార మదంతో కేసీఆర్ చేస్తున్న ప్రయోగాలు ఫలించవు
ABN, First Publish Date - 2022-12-12T22:37:36+05:30
Hyderabad: బీజేపీ(BJP) నాయకురాలు విజయశాంతి సీఎం కేసీఆర్ (CM KCR)పై తీవ్ర విమర్శలు చేశారు. దుర్మార్గపు పాలనతో రాష్ట్రాన్ని నాశనం చేసింది చాలక.. అహంభావం, అధికార మదంతో కేంద్రాన్ని ఢీ
Hyderabad: బీజేపీ(BJP) నాయకురాలు విజయశాంతి సీఎం కేసీఆర్ (CM KCR)పై తీవ్ర విమర్శలు చేశారు. దుర్మార్గపు పాలనతో రాష్ట్రాన్ని నాశనం చేసింది చాలక.. అహంభావం, అధికార మదంతో కేంద్రాన్ని ఢీ కొట్టాలని చేస్తున్న ప్రయోగాలు ఏ మాత్రం ఫలించవని పేర్కొన్నారు. టీఆర్ఎస్(TRS) కుతంత్రాలను గమనిస్తున్న తెలంగాణ సమాజం సరైన సమయంలో బుద్ధి చెబుతుందని సోషల్ మీడియాలో పోస్టు చేశారు.
విజయశాంతి పోస్టు యథాతథంగా..
‘కేసీఆర్ గారూ.. తెలంగాణ రాజకీయ పరిస్థితులను సర్వనాశనం చేసి, ప్రజలు అనుకున్నట్లుగా ఓటు వెయ్యలేని ఒక దుర్మార్గ వ్యవస్థను మీ డబ్బుతో, అధికారంతో సృష్టించే ప్రయత్నం స్పష్టంగా చేస్తూ.. ఆ దుష్ప్రయత్నాలు జాతీయస్థాయిలో కూడా చెల్లుబాటు చేద్దామని, బీఆర్ఎస్ పేరుతో మీరు చేస్తున్న ప్రయోగాలు నిష్ప్రయోజనం అయి తీరుతాయి. దేశంలోనే అత్యంత డబ్బు కలిగిన రాజకీయ నేతగా, అహంభావంతో మీరు చేస్తున్న పనులన్నిటినీ తెలంగాణ సమాజం కూడా జాగ్రత్తగా గమనిస్తూనే ఉంది. సరైన సమయంలో తీర్పు చెప్పి తీరుతుంది.’ అని విజయశాంతి పేర్కొన్నారు.
Updated Date - 2022-12-12T22:37:37+05:30 IST