Munugode Bypoll: మీరు పిడికెడంత మందే.. మాకు 60 ల‌క్ష‌ల మంది కార్యకర్తలు- కేటీఆర్
ABN, First Publish Date - 2022-11-02T19:34:20+05:30
హైదరాబాద్: మునుగోడులోని ప‌లివెల‌లో రాళ్ల దాడిలో గాయ‌ప‌డిన ములుగు జ‌డ్పీ చైర్మ‌న్ కుసుమ జ‌గ‌దీశ్‌ను టీఆర్ఎస్ వర్కింగ్ ప్రెసిడెంట్, మంత్రి కల్వకుంట్ల తారకరామారావు, హోం మంత్రి మహమూద్ అలీ పరామర్శించారు.
హైదరాబాద్: మునుగోడులోని ప‌లివెల‌లో రాళ్ల దాడిలో గాయ‌ప‌డిన ములుగు జ‌డ్పీ చైర్మ‌న్ కుసుమ జ‌గ‌దీశ్‌ను టీఆర్ఎస్ వర్కింగ్ ప్రెసిడెంట్, మంత్రి కల్వకుంట్ల తారకరామారావు, హోం మంత్రి మహమూద్ అలీ పరామర్శించారు. హింస‌కు పాల్ప‌డుతామ‌నే సిద్ధాంతాన్ని తిప్పికొట్టే శ‌క్తి, స‌త్తా తమకుందని కేటీఆర్ చెప్పారు. ఇదే సంస్కృతిని కొన‌సాగిస్తే తాము తిర‌గ‌బ‌డ‌క తప్పదని, బుద్ది చెప్ప‌క తప్పదని ఆయన హెచ్చరించారు. సానుభూతి నాట‌కాలు మంచిది కాదని హితవు చెప్పారు.
మునుగోడులో ప‌రాభ‌వం తప్పదని తెలిసే అమిత్ షా మీటింగ్ ర‌ద్దు చేసుకున్నారని, బీజేపీ జాతీయ అధ్యక్షుడు జేపీ న‌డ్డా కూడా రాలేదని కేటీఆర్ ఆరోపించారు. గ‌త 8 సంవత్సరాల్లో ఎక్క‌డ ఎన్నిక జ‌రిగినా ఉద్రిక్త‌త‌లకు తావు ఇవ్వ‌లేదని ఆయన గుర్తు చేశారు. ఎమ్మెల్సీ ప‌ల్లా రాజేశ్వ‌ర్ రెడ్డి, ములుగు జ‌డ్పీ చైర్మ‌న్ కుసుమ జ‌గ‌దీశ్‌తో పాటు మొత్తం 12 మంది కార్యకర్తలు గాయపడ్డారని కేటీఆర్ తెలిపారు. బీజేపీ కార్యకర్తలు పిడికెడంత మంది మాత్రమే ఉన్నారని, తమకు 60 ల‌క్ష‌ల మంది కార్య‌క‌ర్తలున్నారని కేటీఆర్ గుర్తు చేశారు.
Updated Date - 2022-11-02T19:34:24+05:30 IST