80s Reunion: రాధ డ్యాన్స్.. చిరు, వెంకీ ఏం చేశారంటే..
ABN, First Publish Date - 2022-11-24T07:05:42+05:30
80స్‌లో మెగాస్టార్ చిరంజీవి (Megastar Chiranjeevi), రాధ (Radha) డ్యాన్స్‌కి ప్రత్యేక అభిమానులుండేవారు. వారిద్దరూ
80స్‌లో మెగాస్టార్ చిరంజీవి (Megastar Chiranjeevi), రాధ (Radha) డ్యాన్స్‌కి ప్రత్యేక అభిమానులుండేవారు. వారిద్దరూ కలిసి డ్యాన్స్ చేస్తుంటే చూడడానికి రెండు కళ్లు సరిపోయేవి కాదు. చిరంజీవి ఎంత మంది హీరోయిన్స్‌తో డ్యాన్స్ చేసినా.. రాధ మాత్రం ఎప్పటికీ స్పెషలే.. అనేంతగా వారు మ్యాజిక్ క్రియేట్ చేశారు. 80స్ తారల రీయూనియన్ పురస్కరించుకుని మళ్లీ ఇన్నాళ్లకి రాధ డ్యాన్స్ చూసే అవకాశం ప్రేక్షకులకు వరించింది. రీసెంట్‌గా బాలీవుడ్ నటుడు జాకీష్రాఫ్ ఇంటిలో జరిగిన 80స్ తారల పార్టీకి సంబంధించిన ఫొటోలు సోషల్ మీడియాలో వైరల్ అయిన విషయం తెలిసిందే. తాజాగా రాధ.. ఇదే పార్టీలో తను చేసిన డ్యాన్స్ వీడియోను షేర్ చేసింది. ఈ డ్యాన్స్ చూసిన వారంతా నిజంగా ఫిదా అవుతుండటం విశేషం. అప్పటికీ, ఇప్పటికీ తన డ్యాన్స్‌లో ఎటువంటి మార్పులేదంటూ.. అదే గ్రేస్ అంటూ నెటిజన్లు కొందరు కామెంట్స్ చేస్తున్నారంటే.. ఏ రేంజ్‌లో రాధ డ్యాన్స్ చేసి ఉంటుందో అర్థం చేసుకోవచ్చు. అంతేకాదండోయ్.. ఈ వీడియోలో రాధ డ్యాన్స్ చూసిన వెంకటేష్ (Venkatesh) ఆమె మెడలో పూలమాలను వేస్తే.. మెగాస్టార్ చిరంజీవి ఏకంగా ఆమెకు ముద్దే ఇచ్చేశారు. రాధ కూడా.. చిరు ప్రోత్సాహం చూసి.. గట్టిగా ఆలింగనం చేసుకుంది.
‘Sajna Hai Mujhe’ అనే పాటకు డ్యాన్స్ చేసిన వీడియోను షేర్ చేసిన రాధ.. ‘‘80స్ రీయూనియన్‌కు సంబంధించిన ఓ మధుర జ్ఞాపకం ఇది. నాకెంతో ఇష్టమైన పాటకు డ్యాన్స్ చేసినందుకు చాలా సంతోషంగా ఫీలయ్యాను. ఇంతకంటే ఆనందకరమైన విషయం ఏమిటంటే నా మిత్రులు చిరు, వెంకటేశ్‌, జాకీ ష్రాఫ్‌, పూనమ్‌, స్వప్న, సరిత అక్కతోపాటు అందరూ నాపై చూపించిన ప్రేమ, సపోర్ట్. 80స్ పార్టీలోనూ, ఆ తర్వాత ప్రతి క్షణాన్ని ఎంతో ఎంజాయ్ చేశాను’’ అంటూ రాధ చెప్పుకొచ్చింది. ఆమె షేర్ చేసిన ఈ వీడియో ప్రస్తుతం సోషల్ మీడియాలో వైరల్ అవుతోంది. (Radha Dance Video at 80s ReUnion Party)
Updated Date - 2022-11-24T08:08:04+05:30 IST