TTD: తిరుమలేశుడికి కానుకగా బస్సు
ABN, First Publish Date - 2023-04-08T20:53:39+05:30
తిరుమల శ్రీవేంకటేశ్వరస్వామి (Tirumala Srivenkateswara Swamy)కి శనివారం ఓ బస్సు కానుకగా అందింది. చెన్నైకు చెందిన అశోక్‌ లేలాండ్‌ ప్రైవేట్‌ లిమిటెడ్‌ కంపెనీ
తిరుమల: తిరుమల శ్రీవేంకటేశ్వరస్వామి (Tirumala Srivenkateswara Swamy)కి శనివారం ఓ బస్సు కానుకగా అందింది. చెన్నైకు చెందిన అశోక్‌ లేలాండ్‌ ప్రైవేట్‌ లిమిటెడ్‌ కంపెనీ (Ashok Leyland Private Limited Company) ప్రెసిడెంట్‌ సంజీవ్‌కుమార్‌ దంపతులు రూ.31లక్షల విలువైన బస్సును అందజేశారు. శ్రీవారి ఆలయం ముందు ఈ బస్సుకు ప్రత్యేక పూజలు నిర్వహించి, తాళాలను టీటీడీ ఈవో ఏవీ ధర్మారెడ్డి (Dharma Reddy)కి అందజేశారు. ఈకార్యక్రమంలో టీటీడీ ట్రాన్స్‌పోర్టు డీఐ జానకిరామిరెడ్డి, అశోక్‌ లేలాండ్‌ సంస్థ ప్రతినిధులు పాల్గొన్నారు.
తిరుమలేశుడి సేవలోలంగాణ హైకోర్టు న్యాయమూర్తులు
తిరుమల శ్రీవేంకటేశ్వరస్వామిని శనివారం ఇద్దరు తెలంగాణ హైకోర్టు న్యాయమూర్తులు దర్శించుకున్నారు. జస్టిస్‌ నాగేశ్వరరావు, జస్టిస్‌ శ్రీదేవి శనివారం ఉదయం వేరువేరుగా కుటుంబ సభ్యులతో ఆలయంలోకి వెళ్లారు. ముందుగా ధ్వజస్తంభానికి మొక్కుకుని తర్వాత గర్భాలయంలోని మూలమూర్తిని దర్శించుకున్నారు. అనంతరం రంగనాయక మండపంలో వారికి వేదపండితులు ఆశీర్వచనం చేశారు. అధికారులు లడ్డూప్రసాదాలు అందజేశారు.
పలువురు ప్రముఖులు కూడా..
తెలంగాణ రాష్ట్ర ఎన్నికల కమిషనర్‌ పార్థసారథి, ఏపీఐఐసీ చైర్మన్‌ మెట్టు గోవిందరెడ్డి, సీనియర్‌ ఐఏఎస్‌ అధికారి సంజయ్‌ ముఖర్జీ, టీడీపీ ఎమ్మెల్యే బాలవీరాంజనేయస్వామి, ఎమ్మెల్సీ శ్రీకాంత్‌ కూడా శ్రీవారిని దర్శించుకున్నారు.
Updated Date - 2023-04-08T20:53:39+05:30 IST