AP News: ఏపీలో క్రికెట్ బెట్టింగ్ ముఠా అరెస్ట్
ABN, First Publish Date - 2023-05-29T15:56:13+05:30
జిల్లాలో క్రికెట్ బెట్టింగ్ ముఠాను పోలీసులు అరెస్ట్ చేశారు.
శ్రీ సత్యసాయి: జిల్లాలో క్రికెట్ బెట్టింగ్ ముఠాను పోలీసులు అరెస్ట్ చేశారు. విజయవాడ పరిసర ప్రాంతాలకు చెందిన 8 మంది క్రికెట్ బెట్టింగ్ నిర్వాహకులను అదుపులోకి తీసుకొన్న పోలీసులు వారి వద్ద నుంచి పది లక్షలు స్వాధీనం చేసుకున్నారు. అలాగే 14 సెల్ ఫోన్‌లు, రెండు ల్యాప్‌టాప్‌లు, ఫార్చునర్ కారును స్వాధీనం చేసుకున్నారు. అనంతరం క్రికెట్ బెట్టింగ్ ముఠాను జిల్లా ఎస్పీ ఎదుట హాజరుపరిచారు. విజయవాడకు చెందిన కీలక నిందితులు అరెస్ట్ అయ్యారు. ఈ సందర్భంగా ఎస్పీ మాధవరెడ్డి మాట్లాడుతూ... క్రికెట్ బెట్టింగ్ యాప్‌ల పేరుతో మోసానికి పాల్పడుతున్న వారి పట్ల యువకులు, ప్రజలు అప్రమత్తంగా ఉండాలని సూచించారు. ఐపీఎల్ క్రికెట్ బెట్టింగ్ వంటి అసాంఘిక కార్యకలాపాలకు పాల్పడితే ఎటువంటి వారినైనా ఉపేక్షించేది లేదన్న ఎస్పీ మాధవ రెడ్డి హెచ్చరించారు.
Updated Date - 2023-05-29T16:05:49+05:30 IST