AP News: పొటేళ్లపైకి దూసుకెళ్లిన స్కూల్ బస్
ABN, First Publish Date - 2023-09-29T10:34:43+05:30
జిల్లాలోని ధర్మవరం పట్టణం గుట్టకిందపల్లి వద్ద జరిగిన రోడ్డు ప్రమాదంలో మూడు పొట్టేళ్లు మృతి చెందాయి.
శ్రీ సత్యసాయి: జిల్లాలోని ధర్మవరం పట్టణం గుట్టకిందపల్లి వద్ద జరిగిన రోడ్డు ప్రమాదంలో మూడు పొట్టేళ్లు మృతి చెందాయి. శుక్రవారం ఉదయం పీసీఎంఆర్ కాన్సెప్ట్ స్కూల్ బస్సు అదుపుతప్పి మేత కోసం వెళ్తున్న పొట్టేళ్లపైకి దూసుకెళ్లింది. ఈ ప్రమాదంలో మూడు పొట్టేళ్లు అక్కడికక్కడే దుర్మరణం చెందగా.... మరో రెండు పొట్టేళ్లకు కాళ్లు విరిగాయి. స్కూల్ బస్సు డ్రైవర్ నిర్లక్ష్యం వల్లనే గొర్రెలు చనిపోయాయని గొర్రెల కాపరి తలారి నరేష్ ఆగ్రహం వ్యక్తం చేశారు. దాదాపు రూ.లక్ష వరకు నష్టం వాటిల్లిందన్న కాపరి వాపోయాడు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
Updated Date - 2023-09-29T10:45:27+05:30 IST