Anita: తాడేపల్లి పిల్లి తాడేపల్లిలో లేకుండా లండన్ నుండి ఆపరేట్ చేస్తున్నారు...
ABN, First Publish Date - 2023-09-09T10:31:47+05:30
16 నెలలు జైల్లో ఉన్న జగన్మోహన్రెడ్డి.. 16 నిమిషాలైనా చంద్రబాబుని జైల్లో ఉంచాలనుకుంటున్నారని టిడిపి
విశాఖపట్నం: 16 నెలలు జైల్లో ఉన్న జగన్మోహన్రెడ్డి.. 16 నిమిషాలైనా చంద్రబాబుని జైల్లో ఉంచాలనుకుంటున్నారని టిడిపి మహిళా విభాగం అధ్యక్షురాలు వంగలపూడి అనిత అన్నారు. టీడీపీ అధినేత చంద్రబాబునాయుడు అరెస్టుపై ఆమె మీడియాతో మాట్లాడుతూ... ఇలాంటి సైకోకి రాష్ట్రాన్ని అప్పగించామన్నారు. రాష్ట్రాన్ని రావణకాష్టల మార్చుతున్నారని ఆమె తీవ్రంగా దుయ్యబట్టారు. గతంలో ఇలాగే ఎన్నో అక్రమ కేసులు పెట్టారని, అయినా.. కడిగిన ముత్యంలా బయటకు వచ్చారన్నారు. జగన్ పిచ్చి పరాకాష్టకు చేరుతున్నట్లుగా ఉందని ఆమె విమర్శించారు. ప్రజల్లో చంద్రబాబు ఆదరణ చూడలేక, దుర్మార్గంగా అరెస్ట్ చేశారుని, తాడేపల్లి పిల్లి, తాడేపల్లిలో లేకుండా లండన్ నుండి ఆపరేట్ చేస్తున్నారన్నారు. అలాగే టీడీపీ నాయకులను హౌస్ అరెస్ట్ చేయడం దారుణమని ఆమె అన్నారు.
Updated Date - 2023-09-09T10:38:41+05:30 IST