NTR: ఎన్టీఆర్ ఒక వ్యక్తి కాదు.. ఒక శక్తి: చంద్రబాబు
ABN, First Publish Date - 2023-05-20T22:44:05+05:30
ఎన్టీఆర్ ఒక వ్యక్తి కాదు.. ఒక శక్తి అని టీడీపీ అధినేత చంద్రబాబు (Chandrababu) అన్నారు.
హైదరాబాద్: ఎన్టీఆర్ ఒక వ్యక్తి కాదు.. ఒక శక్తి అని టీడీపీ అధినేత చంద్రబాబు (Chandrababu) అన్నారు. ఎన్టీఆర్ ఒక స్ఫూర్తిని, తెలుగుజాతి ఖ్యాతన్నారు. ఖైతలాపూర్‌లో ఎన్టీఆర్ (NTR) శతజయంతి ఉత్సవాలు నిర్వహించారు. ఈ సందర్భంగా ఆయన మాట్లాడారు. ‘‘తెలుగువారి గుండెల్లో ఎన్టీఆర్ శాశ్వతంగా ఉంటారు. ఎన్టీఆర్కు దేశ, విదేశాల్లో ఘన నివాళులు అర్పిస్తున్నారు. జీవితంలో కష్టపడి పైకి వచ్చిన వ్యక్తి ఎన్టీఆర్. లంచాలు నచ్చక ఉద్యోగానికి రాజీనామా చేసిన వ్యక్తి.. ఎన్టీఆర్. తెలుగు జాతి ఆస్తి.. ఎన్టీఆర్. ఎన్టీఆర్కు భారతరత్న ఇవ్వాలి. ఎన్టీఆర్ అనే మూడక్షరాల్లో మహత్తర శక్తి ఉంది. మానవత్వం మూర్తీభవించిన వ్యక్తి.. ఎన్టీఆర్. రాయలసీమలో కరవు వస్తే చందాలు అడిగి ఆదుకున్న వ్యక్తి.. ఎన్టీఆర్. దివిసీమ ఉప్పెన బాధితులను ఎన్టీఆర్ ఆదుకున్నారు. నేడు అమలవుతున్న పథకాలకు ఎన్టీఆరే నాంది పలికారు’’ అని చంద్రబాబు వివరించారు.
Updated Date - 2023-05-20T22:44:05+05:30 IST