Chandrababu : పులివెందులలో చంద్రబాబు పర్యటన.. కొనసాగుతున్న హైటెన్షన్..
ABN, First Publish Date - 2023-08-02T12:00:56+05:30
జమ్మలమడుగు, పులివెందుల ప్రాంతాల్లో టీడీపీ అధినేత చంద్రబాబు పర్యటించనున్నారు. గండికోట, చిత్రావతి ప్రాజెక్టుల ఎత్తిపోతల పథకాలను పరిశీలించనున్నారు. పులివెందులలో రోడ్ షోతో పాటు చంద్రబాబు బహిరంగ సభ సైతం నిర్వహించనున్నారు.
కడప : జమ్మలమడుగు, పులివెందుల ప్రాంతాల్లో టీడీపీ అధినేత చంద్రబాబు పర్యటించనున్నారు. గండికోట, చిత్రావతి ప్రాజెక్టుల ఎత్తిపోతల పథకాలను పరిశీలించనున్నారు. పులివెందులలో రోడ్ షోతో పాటు చంద్రబాబు బహిరంగ సభ సైతం నిర్వహించనున్నారు. ఈ క్రమంలోనే పులివెందులలో హైటెన్షన్ నెలకొంది. పులివెందుల రోడ్ షో, బహిరంగ సభల కోసం ప్రత్యేకంగా టీడీపీ పోలీసులను అనుమతి కోరింది. కానీ అనుమతిపై పోలీసులు ఎటూ తేల్చడం లేదు. అయితే చంద్రబాబు పర్యటన విజయవంతం చేసి తీరుతామని పులివెందుల టీడీపీ ఇన్‌చార్జి బీటెక్ రవి స్పష్టం చేశారు. పులివెందుల నడిబొడ్డున బహిరంగసభ , రోడ్ షోలకు అనుమతులు లేకున్నా.. ఎలాంటి సమస్యలు వుండవని అనుకుంటున్నామన్నారు. ఒకవేళ వైసీపీ శ్రేణులు కవ్వింపు చర్యలకు పాల్పడినా, ఇబ్బంది పెట్టే ప్రయత్నాలు చేసినా.. ఎలా ఎదుర్కొవాలో తమకు తెలుసన్నారు. ఎవరెన్ని చేసినా.. ఎలాగైనా సరే పులివెందుల చంద్రబాబు పర్య టనను విజయవంతం చేసి తీరుతామని బీటెక్ రవి ఏబీఎన్ ఆంధ్రజ్యోతికి తెలిపారు.
Updated Date - 2023-08-02T12:00:56+05:30 IST