Tirupati: శ్రీదేవి, భూదేవి సమేతంగా భక్తులకు దర్శనమిస్తున్న శ్రీనివాసుడు..
ABN, First Publish Date - 2023-10-22T08:59:41+05:30
తిరుమల: శ్రీవారి నవరాత్రి బ్రహ్మోత్సవాలు వైభవంగా జరుగుతున్నాయి. ఉత్సవాల్లో భాగంగా ఎనిమిదోవ రోజు ఆదివారం ఉదయం మలయప్ప స్వామి శ్రీదేవి, భూదేవి సమేతంగా స్వర్ణరధంపై ఊరేగుతూ భక్తులకు దర్శనం ఇస్తున్నారు.
తిరుమల: శ్రీవారి నవరాత్రి బ్రహ్మోత్సవాలు వైభవంగా జరుగుతున్నాయి. ఉత్సవాల్లో భాగంగా ఎనిమిదోవ రోజు ఆదివారం ఉదయం మలయప్ప స్వామి శ్రీదేవి, భూదేవి సమేతంగా స్వర్ణరధంపై ఊరేగుతూ భక్తులకు దర్శనం ఇస్తున్నారు. మలయప్ప స్వామిని దర్శించుకునేందుకు పురవీధుల్లోకి భక్తులు పెద్ద సంఖ్యలో తరలి వచ్చారు. అలాగే ఈరోజు రాత్రి 7 గంటలకు శ్రీనివాసుడు అశ్వ వాహనంపై ఊరేగుతూ భక్తులకు దర్శనం ఇవ్వనున్నారు. ఈ రోజుతో శ్రీవారి వాహన సేవలు ముగియనున్నాయి. సోమవారం ఉదయం జరిగే చక్రస్నానంతో శ్రీవారి నవరాత్రి బ్రహ్మోత్సవాలు పరిసమాప్తం కానున్నాయి.
కాగా తిరుమల శ్రీ వేంకటేశ్వరస్వామి ఏడో రోజైన శనివారం ఉదయం సూర్యప్రభ వాహనంపై భక్తులకు దర్శనమిచ్చారు. వాహనం ముందు గజరాజులు నడుస్తుండగా, రోడ్డు పొడవున భక్తులు భజనలు, కోలాటాలు, మంగళవాయిద్యాల నడుమ స్వామివారి వాహనసేవ కోలాహలంగా జరిగింది. పెద్ద సంఖ్యలో తరలివచ్చిన భక్తులు అడుగడుగునా కర్పూరహారతులు ఇచ్చి శ్రీవారిని దర్శించుకున్నారు.
Updated Date - 2023-10-22T08:59:41+05:30 IST