Delhirao: ఇంద్రకీలాద్రి లడ్డూ ప్రసాదం పోటులో కలెక్టర్ ఆకస్మిక తనిఖీలు
ABN, First Publish Date - 2023-10-19T11:01:38+05:30
ఇంద్రకీలాద్రి లడ్డూ ప్రసాదం పోటులో కలెక్టర్ ఢిల్లీ రావు గురువారం ఉదయం ఆకస్మికంగా తనిఖీలు నిర్వహించారు.
విజయవాడ: ఇంద్రకీలాద్రి లడ్డూ ప్రసాదం పోటులో కలెక్టర్ ఢిల్లీ రావు గురువారం ఉదయం ఆకస్మికంగా తనిఖీలు నిర్వహించారు. లడ్డూ ప్రసాద నాణ్యతను పరిశీలించి అధికారులకు కలెక్టర్ పలు సూచనలు చేశారు. ఈ సందర్భంగా కలెక్టర్ ఢిల్లీ రావు మాట్లాడుతూ.. దుర్గమ్మను దర్శించుకున్న ప్రతి భక్తుడికి లడ్డూ ప్రసాదం అందించాలనే తమ లక్ష్యమన్నారు. రేపటి (శుక్రవారం) నుంచి లక్షలాదిగా భక్తులు తరలివస్తారన్నారు. వారందరి కోసం 4 లక్షల లడ్డూలు ముందుగానే సిద్ధంగా ఉంచామని తెలిపారు. వచ్చిన ప్రతి భక్తునికి అడిగినన్ని లడ్డూలు ఇస్తామన్నారు. నాణ్యత విషయంలో రాజీ పడొద్దని ఆదేశించామన్నారు. ఎవరైనా ప్రసాదాల విషయంలో నిర్లక్ష్యంగా వ్యవహరిస్తే చర్యలు తీసుకుంటామని కలెక్టర్ ఢిల్లీరావు హెచ్చరించారు.
Updated Date - 2023-10-19T11:06:43+05:30 IST