Ramakrishna: జగన్, ఆదానీల రహస్య భేటీ వెనక మర్మమేంటి?
ABN, First Publish Date - 2023-09-29T11:39:07+05:30
ఆదానీతో జరిగిన భేటీ వివరాలను ముఖ్యమంత్రి జగన్మోహన్ రెడ్డి వెల్లడించాలని సీపీఐ రాష్ట్ర కార్యదర్శి రామకృష్ణ డిమాండ్ చేశారు.
అమరావతి: ఆదానీతో జరిగిన భేటీ వివరాలను ముఖ్యమంత్రి జగన్మోహన్ రెడ్డి వెల్లడించాలని సీపీఐ రాష్ట్ర కార్యదర్శి రామకృష్ణ డిమాండ్ చేశారు. అది వ్యక్తిగత భేటీనా? లేక వ్యవస్థీకృత భేటీనా? అని ప్రశ్నించారు. గతంలో కూడా ఆహ్వాన పత్రిక ఇచ్చే పేరుతో జగన్‌ను ఆదానీ కలిసి నాలుగు గంటల పాటు భేటీ అయ్యారని గుర్తుచేశారు. ఏపీలో ఇప్పటికే గంగవరం, కృష్ణపట్నం పోర్టులను ఆదానీకి అప్పగించారన్నారు. సోలార్ విద్యుత్ ఒప్పందాలను ఆదానీ కంపెనీకే అప్పగించారన్నారు. అత్యంత ఎక్కువ ధరకు ఏపీలో స్మార్ట్ మీటర్ల ఏర్పాట్లు కూడా ఆదానీకే కట్టబెట్టారని విమర్శించారు. జగన్, ఆదానీల రహస్య భేటీ వెనక మర్మమేంటి? అని రామకృష్ణ ప్రశ్నించారు
Updated Date - 2023-09-29T11:39:07+05:30 IST