రైతులను ప్రభుత్వం వెంటనే ఆదుకోవాలి: చంద్ర శేషు
ABN, First Publish Date - 2023-05-07T21:10:49+05:30
వర్షాల వర్షాల వల్ల నష్టపోయిన రైతులను ప్రభుత్వం వెంటనే ఆదుకోవాలని టీడీపీ రాష్ట్ర అధికార ప్రతినిధి దాసరి శ్యామ్ చంద్ర శేషు (Dasari Shyam Chandra Seshu) డిమాండ్ చేశారు.
జంగారెడ్డిగూడెం (ఏలూరు జిల్లా): వర్షాల వర్షాల వల్ల నష్టపోయిన రైతులను ప్రభుత్వం వెంటనే ఆదుకోవాలని టీడీపీ రాష్ట్ర అధికార ప్రతినిధి దాసరి శ్యామ్ చంద్ర శేషు (Dasari Shyam Chandra Seshu) డిమాండ్ చేశారు. జంగారెడ్డిగూడెం (Jangareddigudem) మండలం పేరంపేట పంగిడిగూడెం గ్రామాల్లో శ్యామ్ చంద్ర శేషు, జంగారెడ్డిగూడెం టీడీపీ మండల పార్టీ అధ్యక్షుడు సాయిల సత్యనారాయణ వర్షాలకు తడిసిన ధాన్యాన్ని పరిశీలించారు. ఈ సందర్భంగా రైతులు పంది రామ్ ప్రసాద్, పంగిడిగూడెం గ్రామానికి చెందిన పడాల చిన నాగేశ్వరరావు, పోక వీర రాఘవులు ఆరుగాలం కష్టపడి పండించిన మొక్కజొన్న చేతికి వచ్చే సమయానికి అకాల వర్షాలతో తీవ్ర నష్టం వాటిల్లిందని ప్రభుత్వమే తమను ఆదుకోవాలని ఆవేదన వ్యక్తం చేశారు.
అనంతరం దాసరి శేషు, సాయిల సత్యనారాయణలు మీడియాతో మాట్లాడుతూ రైతులకు ప్రభుత్వం వెంటనే పరిహారం చెల్లించాలని తడిసిన, మొలకెత్తిన ధాన్యాన్ని మొక్కజొన్న ప్రభుత్వమే కొనుగోలు చేయాలని డిమాండ్ చేశారు. అలాగే గిట్టుబాటు ధరలు ఇవ్వాలని, రైతులను అన్నివిధాలుగా ఆదుకోవాలని ప్రభుత్వాన్ని డిమాండ్ చేశారు. లేకపోతే రైతులతో కలిసి పోరాటం చేస్తామని దాసరి శేషు, సాయిల సత్యనారాయణ హెచ్చరించారు.
Updated Date - 2023-05-07T21:10:49+05:30 IST