Yuvagalam: జగన్ దగ్గర బ్లూ, రెడ్ బటన్లు ఉంటాయి: నారా లోకేశ్
ABN, First Publish Date - 2023-06-19T20:05:14+05:30
సీఎం జగన్ (CM Jagan) దగ్గర బ్లూ, రెడ్ బటన్లు ఉంటాయని, బ్లూ బటన్లో రూ.10 వేలు వేసి.. రెడ్ బటన్‌తో రూ.100 లాగేస్తాడని టీడీపీ నేత నారా లోకేశ్ (Nara Lokesh) దుయ్యబట్టారు.
నెల్లూరు: సీఎం జగన్ (CM Jagan) దగ్గర బ్లూ, రెడ్ బటన్లు ఉంటాయని, బ్లూ బటన్లో రూ.10 వేలు వేసి.. రెడ్ బటన్‌తో రూ.100 లాగేస్తాడని టీడీపీ నేత నారా లోకేశ్ (Nara Lokesh) దుయ్యబట్టారు. యువగళం పాదయాత్ర (Yuvagalam Padayatra)లో భాగంగా అఖిలవలస రచ్చబండలో పాల్గొన్నారు. ఈ సందర్భంగా ఆయన మాట్లాడుతూ చంద్రబాబు (Chandrababu) సీఎంగా పింఛను రూ.200ల నుంచి రూ.2 వేలు చేశారని, జగన్ రూ.700లు పెంచి పాలాభిషేకం చేయించుకున్నాడని విమర్శించారు. టీడీపీ అధికారంలోకి రాగానే తొలగించిన పెన్షన్లు తిరిగి ఇస్తామని ప్రకటించారు.
‘‘తల్లికి పుట్టిన ఇద్దరు, ముగ్గురు పిల్లల్లో ఒక్కరికే పోషణ ఇస్తానని జగన్ అంటున్నాడు. పక్క రాష్ట్రాలతో పోల్చితే డీజిల్, పెట్రోల్ ధర రూ.12లు ఎక్కువ. ఒన్ టైం సెటిల్‌మెంట్ ఒక పెద్ద కుంభకోణం. అధికారంలోకి రాగానే శాశ్వత పట్టాలు అందిస్తాం. ప్రతి ఇంట్లో ఒక నిరుద్యోగి ఉన్నారు. ఐదేళ్లలో రూ.20 లక్షల మందికి ఉపాధి కల్పించే బాధ్యత టీడీపీదే’’ అని లోకేశ్ స్పష్టం చేశారు.
Updated Date - 2023-06-19T20:05:14+05:30 IST