AP News: కాల్వలోకి దూసుకెళ్లిన స్కూల్ బస్
ABN, First Publish Date - 2023-11-06T10:42:18+05:30
కృష్ణా జిల్లా కోడూరు మండలం విశ్వనాథపల్లి సమీపంలో ఓ స్కూల్ బస్సు అదుపుతప్పి కాల్వలోకి దూసుకువెళ్లింది.
కృష్ణా జిల్లా: కృష్ణా జిల్లా కోడూరు మండలం విశ్వనాథపల్లి సమీపంలో ఓ స్కూల్ బస్సుకు పెను ప్రమాదం తప్పింది. సోమవారం ఉదయం స్కూల్ బస్సు అదుపుతప్పి పంట కాల్వలోకి దూసుకువెళ్లింది. అయితే బస్సులో ప్రయాణిస్తున్న అయిదుగురు విద్యార్థులు క్షేమంగా బయటపడ్డారు. పంట కాల్వలో నీరు తక్కువగా ఉండటంతో ముప్పు తప్పింది. ప్రమాదానికి గురైన బస్సు అవనిగడ్డ ఎమ్మెల్యే సింహాద్రి రమేష్ బాబు కుమారుడు వికాస్ యాజమాన్యంలో నడుస్తున్న విధ్యావికాస్ పాఠశాల బస్సుగా తెలుస్తోంది. ఘోరంగా ఉన్న రహదారి కారణంగానే ప్రమాదం జరిగిందని ప్రజలు అంటున్నారు. విషయం తెలిసిన వెంటనే విద్యార్థుల తల్లిదండ్రులు అక్కడకు చేరుకుని తమ తమ చిన్నారులు క్షేమంగా బయటపడటంతో అక్కడి నుంచి తీసుకెళ్లిపోయారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
Updated Date - 2023-11-06T10:42:20+05:30 IST