ఎమ్మిగనూరు ఎమ్మెల్యే చెన్నకేశవ రెడ్డి వర్గీయుల బరితెగింపు..
ABN, First Publish Date - 2023-05-01T10:21:04+05:30
ఎమ్మిగనూరు ఎమ్మెల్యే చెన్నకేశవ రెడ్డి వర్గీయులు బరితెగించారు. ఎమ్మెల్యే స్వగ్రామం ఎర్రకోటలో నిన్న సాయంత్రం యువగళం ఫ్లెక్సీని ఎమ్మెల్యే అనుచరులు తగులబెట్టారు.
కర్నూలు : ఎమ్మిగనూరు ఎమ్మెల్యే చెన్నకేశవ రెడ్డి వర్గీయులు బరితెగించారు. ఎమ్మెల్యే స్వగ్రామం ఎర్రకోటలో నిన్న సాయంత్రం యువగళం ఫ్లెక్సీని ఎమ్మెల్యే అనుచరులు తగులబెట్టారు. తెల్లవారుజామున ఎర్రకోట సమీపంలో రహదారి పక్కన కట్టిన ఫ్లెక్సీలను చించివేశారు. నిన్న ఎమ్మిగనూరు బహిరంగ సభలో ఎమ్మెల్యే చెన్నకేశవ రెడ్డి అవినీతి అక్రమాలను టీడీపీ జాతీయ ప్రధాన కార్యదర్శి నారా లోకేష్ ఎండగట్టారు. దీనిని జీర్ణించుకోలేక ఎమ్మెల్యే అనుచరులు యువగళం ఫ్లెక్సీకి నిప్పు పెట్టి, ధ్వంసం చేశారు. అయినప్పటికీ పోలీసులు పట్టించుకోలేదు. యువగళం ఫ్లెక్సీని తగులబెట్టడంపై టీడీపీ శ్రేణులు ఆగ్రహం వ్యక్తం చేస్తున్నారు. రెచ్చగొడితే తగిన గుణపాఠం చెబుతామని టీడీపీ ఇన్‌చార్జ్ బీవీ జయనాగేశ్వరరెడ్డి హెచ్చరించారు.
Updated Date - 2023-05-01T10:21:04+05:30 IST