మంత్రాలయం అసెంబ్లీలోని కోసిగి క్యాంప్ సైట్ నుంచి లోకేష్ పాదయాత్ర
ABN, First Publish Date - 2023-04-26T09:45:01+05:30
టీడీపీ జాతీయ ప్రధాన కార్యదర్శి నారా లోకేష్ యువ గళం పాదయాత్ర 81 వ రోజుకు చేరుకుంది. మంత్రాలయం అసెంబ్లీలోని కోసిగి క్యాంప్ సైట్ నుంచి పాదయాత్ర ప్రారంభం కానుంది.
కర్నూలు : టీడీపీ జాతీయ ప్రధాన కార్యదర్శి నారా లోకేష్ యువ గళం పాదయాత్ర 81 వ రోజుకు చేరుకుంది. మంత్రాలయం అసెంబ్లీలోని కోసిగి క్యాంప్ సైట్ నుంచి పాదయాత్ర ప్రారంభం కానుంది. అనంతరం డి.బెళగళ్ పంచాయితీ దొడ్డిలో స్థానికులతో సమావేశం కానున్నారు. డి.బెళగల్‌లో వీఆర్ఓలతో సమావేశం నిర్వహించనున్నారు. పల్లెపాడు క్రాస్ వద్ద స్థానికులతో లోకేష్ సమావేశం కానున్నారు. గురురాఘవేంద్ర ప్రాజెక్టు క్రాస్ వద్ద మాటామంతీ జరగనుంది. లచ్చుమర్రి క్రాస్ సమీపంలో రైతులతో ముఖాముఖి కానున్నారు. ఇక్కడే భోజన విరామం తీసుకోనున్నారు. సాయంత్రం లచ్చుమర్రి క్రాస్ వద్ద నుంచి పాదయాత్ర కొనసాగించనున్నారు. లచ్చుమర్రిలో ఈ-సేవ ఉద్యోగులతో సమావేశం కానున్నారు. మాధవరం శివారు విడిది కేంద్రంలో రాత్రి నారా లోకేష్ బస చేయనున్నారు.
Updated Date - 2023-04-26T09:45:01+05:30 IST