AP News: కొండపి వైసీపీ ఇన్‌చార్జ్ అశోక్‌బాబుపై ఎస్పీకి ఫిర్యాదు
ABN, First Publish Date - 2023-07-03T15:20:59+05:30
కొండపి వైసీపీ ఇన్‌ఛార్జ్ అశోక్ బాబుపై ఎస్పీ మలిక గార్గ్‌కు మాజీ ఇన్‌ఛార్జ్ వెంకయ్య ఫిర్యాదు చేశారు.
ప్రకాశం: కొండపి వైసీపీ ఇన్‌ఛార్జ్ అశోక్ బాబుపై ఎస్పీ మలిక గార్గ్‌కు మాజీ ఇన్‌ఛార్జ్ వెంకయ్య ఫిర్యాదు చేశారు. కొండపి నియోజకవర్గంలో అశోక్ బాబు శాంతి భద్రతలకు విఘాతం కలిగిస్తున్నాడని ఫిర్యాదులో పేర్కొన్నారు. వైసీపీ నాయకులతో పాటూ ప్రజలపై దాడులు చేసి భయభ్రాంతులకు గురి చేస్తున్నాడని ఫిర్యాదులో తెలిపారు. అశోక్ బాబుపై చర్యలు తీసుకోవాలని ఎస్పీని వెంకయ్య కోరారు. అనంతరం వెంకయ్య మీడియాతో మాట్లాడుతూ.. కొండపి వైసీపీ ఇన్ ఛార్జ్ అశోక్ బాబు సంఘవిద్రోహ చర్యలకు పాల్పడుతున్నారని విమర్శించారు. రౌడీ షీటర్లను వెంట పెట్టుకుని ఇన్‌ఛార్జ్ అశోక్ బాబు ప్రజల్ని భయభ్రాంతులకు గురి చేస్తున్నారన్నారు. గతంలో పార్టీ నుంచి సస్పెండ్ అయిన అశోక్ బాబు పార్టీని నాశనం చేస్తున్నారని మండిపడ్డారు. కొండపిలో శాంతి భద్రతలు కాపాడమని ఎస్పీని కోరామని అన్నారు. నియోజక వర్గంలో పార్టీ నాయకులు తన వెంట ఉన్నారని.. సంయమనం పాటించమని పార్టీ నాయకులు సూచించారని తెలిపారు. కొండపి ఇన్‌ఛార్జ్ పదవి ఇవ్వమని కోరుతున్నానని.. మరొకరికి ఇచ్చినా పార్టీ కోసం పని చేస్తానని వెంకయ్య పేర్కొన్నారు.
Updated Date - 2023-07-03T15:20:59+05:30 IST