YS Viveka Case: వైఎస్ వివేకా హత్య కేసులో మరింత దూకుడు పెంచిన సీబీఐ
ABN, First Publish Date - 2023-04-26T19:36:08+05:30
మాజీ ఎంపీ వైఎస్ వివేకానందరెడ్డి (Y. S. Vivekananda Reddy) హత్య కేసులో సీబీఐ (CBI) దూకుడు పెంచింది.
హైదరాబాద్ : మాజీ ఎంపీ వైఎస్ వివేకానందరెడ్డి (Y. S. Vivekananda Reddy) హత్య కేసులో సీబీఐ (CBI) మరింత దూకుడు పెంచింది. ఏ ఒక్క ఆధారాన్ని వదలకుండా దర్యాప్తు జరుపుతోంది. మంగళవారం వైఎస్ సునీత (YS Sunitha), ఆమె భర్త రాజశేఖర్ రెడ్డిల (Rajashekhar Reddy) స్టేట్‌మెంట్‌ను రికార్డ్ చేసింది. వీరితోపాటు తాజాగా మరికొందరు అనుమానితులకు సీబీఐ నోటీసులు అందజేసింది.
వైఎస్ వివేకా కంప్యూటర్ ఆపరేటర్ ఇనయ్ తుల్లా, ఉదయ్ కుమార్ తండ్రి ప్రకాష్ రెడ్డి‌లను సీబీఐ మరోసారి ప్రశ్నిస్తుంది. వివేకా హత్యకు ప్రత్యక్ష సాక్షిగా ఇనయ్ తుల్లా అనే వ్యక్తి ఉన్నాడు. అలాగే వివేకా మృతదేహాన్ని బాత్‌రూమ్ నుంచి బయటకు కూడా తీసుకొచ్చింది ఇనయ్ తుల్లానే. ఇనయ్ తుల్లాను గతంలోనే పులివెందులలో సీబీఐ విచారించింది. మరోసారి సీబీఐ కార్యాలయంలో ఇనయతుల్లాను విచారించి.. సీబీఐ స్టేట్మెంట్ రికార్డ్ చేస్తుంది. అలాగే ఇనయతుల్లా, ఉదయ్ కుమార్ తండ్రి ప్రకాష్‌రెడ్డిల నుంచి సీబీఐ స్టేట్మెంట్ రికార్డ్ చేస్తోంది.
Updated Date - 2023-04-26T19:51:50+05:30 IST