Child Food: పిల్లల ఆహారం విషయంలో ఈ శ్రద్ధ తీసుకోకపోతే..!
ABN, First Publish Date - 2023-08-12T11:19:16+05:30
పదార్థాల్లో పోషక నష్టం జరగకుండా ఉండాలంటే వాటిని అతిగా వేయించడం, ఉడకబెట్టడం చేయకూడదు. కూరగాయలను ముక్కలుగా తరిగిన తర్వాత కడగకూడదు. మూత ఉంచి, చిన్న మంట మీద ఉడికిస్తే సమంగా ఉడకడంతో
పదార్థాల్లో పోషక నష్టం జరగకుండా ఉండాలంటే వాటిని అతిగా వేయించడం, ఉడకబెట్టడం చేయకూడదు. కూరగాయలను ముక్కలుగా తరిగిన తర్వాత కడగకూడదు. మూత ఉంచి, చిన్న మంట మీద ఉడికిస్తే సమంగా ఉడకడంతో పాటు పోషక నష్టం జరగకుండా ఉంటుంది. వేపుళ్లకు బదులుగా టమాటా వేసి మగ్గించిన కూరలను పిల్లలకు వండి పెట్టాలి. కారం కోసం ఎండు కారానికి బదులుగా పచ్చిమిరపకాయలు ఎక్కువగా వాడాలి. రుచి కోసం కొత్తిమీర, పుదీనా, తులసి ఆకులను జోడించవచ్చు. కొంతమంది తల్లులు పిల్లలు ఇష్టంగా తింటారనే ఆశతో ప్రతి కూరలోనూ అల్లం, వెల్లుల్లి ముద్ద చేరుస్తూ ఉంటారు. లేదా లవంగాలు, దాల్చినచెక్క లాంటి గరం మసాలా దినుసులనూ చేరుస్తూ ఉంటారు. కానీ ఇవన్నీ కూరగాయల సహజసిద్ధమైన రుచిని డామినేట్‌ చేస్తాయి. దాంతో పదార్థాల రుచి మారిపోతుంది. ఇలా వండిన వంటకాలన్నీ ఒకే విధంగా ఉండి, పిల్లలు అయిష్టత పెంచుకునే ప్రమాదమూ ఉంటుంది. కాబట్టి కూరగాయల సహజ రుచి చెక్కుచెదరని తీరులో వంటకాలు తయారుచేయాలి. అలాగే ఆకుకూరలు, పప్పు దినుసులు తప్పనిసరిగా పిల్లలు తినేలా చూసుకోవాలి. కొద్ది పరిమాణాల్లో నూనె అవసరం ఉండే వంటకాలకు నూనె బదులు నేరుగా నెయ్యి వాడడమూ ఆరోగ్యకరమే!
Updated Date - 2023-08-12T11:19:16+05:30 IST