Beauty: తినటానికి కాదు.. ఆరెంజ్‌ను ఇలా ఉపయోగిస్తే..!
ABN, First Publish Date - 2023-06-05T12:59:57+05:30
తినటానికి ఎక్కువ ఇష్టపడే ఆరెంజ్‌తో అందాన్నీ మెరుగుపర్చుకోవచ్చు. ఇది సిట్రస్‌ జాతికి చెందినది. ఇంతకీ ఆరెంజ్‌తో
తినటానికి ఎక్కువ ఇష్టపడే ఆరెంజ్‌తో అందాన్నీ మెరుగుపర్చుకోవచ్చు. ఇది సిట్రస్‌ జాతికి చెందినది. ఇంతకీ ఆరెంజ్‌తో చర్మ సౌందర్యాన్ని ఎలా కాపాడుకోవచ్చు? ఆరెంజ్‌ ఫేస్‌ప్యాక్స్‌ ఏంటో తెల్సుకుందాం..
● ఒక ఆరెంజ్‌ పండు, బొప్పాయిలో పావుభాగం తీసుకుని మిక్సీ పట్టాలి. ఈ మిశ్రమాన్ని ముఖంమీదతో పాటు మెడచుట్టూ పట్టించాలి. ఇలా చేశాక 20 నిముషాల తర్వాత చన్నీళ్లతో ముఖాన్ని కడగాలి. ఇలా చేస్తుంటే ముఖం మీద మంటలు మాయమవుతాయి.
● ఒకటి ఆరెంజ్‌, ఒక అరటిపండును కలిపి చూర్ణం చేయాలి. ఈ చూర్ణాన్ని ముఖానికి పట్టించి అరగంట తర్వాత మంచి నీటితో శుభ్రపరచాలి. ఇలా చేస్తుంటే ముఖం కాంతివంతంగా తయారవుతుంది.
● బౌల్‌లో రెండు టేబుల్‌ స్పూన్ల నారింజ రసం, టేబుల్‌ స్పూన్‌ శనగపిండి, టేబుల్‌ స్పూన్‌ రోజ్‌ వాటర్‌ కలిపి మిక్స్‌ చేయాలి. ఈ మిశ్రమాన్ని పట్టిస్తే పిగ్మింటేషన్‌ తగ్గిపోతుంది.
● టేబుల్‌ స్పూన్‌ ఆరెంజ్‌ పల్ప్‌, అర టేబుల్‌ స్పూన్‌ టీ ఆకులను కలిపి చూర్ణం చేయాలి. దీన్ని పట్టిస్తే ఆయిలీ ఫేస్‌ ఉన్న వాళ్లకు ఉపశమనం ఉంటుంది.
● బౌల్‌లో టేబుల్‌ స్పూన్‌ ఆరెంజ్‌ పల్ప్‌తో పాటు టీస్పూన్‌ కొబ్బరినూనె తీసుకోవాలి. బాగా కలిపిన తర్వాత ఈ మిశ్రమాన్ని ముఖానికి పట్టించాక అరగంట తర్వాత కడిగేయాలి. ఇలా చేస్తుంటే.. మీ చర్మం మృదువుగా తయారవుతుంది. ముఖంమీద ఉండే మట్టి తొలగిపోతుంది.
● ఆరెంజ్‌ తొక్క పౌడర్‌ టేబుల్‌ స్పూన్‌ను బౌల్‌లో తీసుకోవాలి. ఇందులోకి కొద్దిగా పసుపు, టేబుల్‌ స్పూన్‌ రోజ్‌ వాటర్‌ కలపాలి. ఈ చూర్ణం ముఖం మీద పట్టిస్తే మొటిమలు తొలగిపోతాయి.
● బౌల్‌లో రెండు టేబుల్‌ స్పూన్ల అలొవెరా జెల్‌, రెండు టేబుల్‌ స్పూన్ల ఆరెంజ్‌ పౌడర్‌, అర టీస్పూన్‌ నిమ్మరసం కలిపి మిశ్రమాన్ని తయారు చేసుకోవాలి. ఈ మిశ్రమాన్ని ముఖానికి పట్టిస్తుంటే వాపులు, ఎర్రగా కందడం.. లాంటి ఇతర చర్మసమస్యలుంటే తొలగిపోతాయి.
Updated Date - 2023-06-05T12:59:57+05:30 IST