Army chopper crashes: జమ్ముకాశ్మీర్‌లో కుప్పకూలిన ఆర్మీ హెలికాప్టర్..
ABN, First Publish Date - 2023-05-04T12:19:43+05:30
జమ్మూకశ్మీరులో గురువారం ఆర్మీ హెలికాప్టర్ కుప్పకూలిపోయింది....
కిష్టావర్(జమ్మూకశ్మీర్): జమ్మూకశ్మీరులో గురువారం ఆర్మీ హెలికాప్టర్ కుప్పకూలిపోయింది.(Jammu and Kashmir) కిష్టావర్ జిల్లాలోని మర్వా తహసీల్ పరిధి మచ్చన గ్రామంలో ఆర్మీ హెలికాప్టర్ ఒక్కసారిగా కూలిపోయింది.(Army helicopter crash) కూలిన సమయంలో హెలికాప్టరులో ముగ్గురు ఉన్నారని ఆర్మీ వర్గాలు తెలిపాయి.విమానంలో ఉన్న ముగ్గురు పైలట్లు తీవ్రంగా గాయపడ్డారు. గాయపడిన పైలట్లను ఆసుపత్రికి తరలించారు.ఆర్మీ ఏఎల్‌హెచ్ ధ్రువ్ హెలికాప్టర్ కూలిందని ఆర్మీ వర్గాలు ధ్రువీకరించాయి. గురువారం నాడు ఆర్మీ హెలికాప్టర్ కూలిన ప్రదేశంలో ఇండియన్ ఆర్మీ, సహస్రబల్, పోలీసులు హుటాహుటిన వచ్చి సహాయ కార్యక్రమాలు చేపట్టారు. మార్చినెలలో అరుణాచల్ ప్రదేశ్ లోని మండాల హిల్స్ ప్రాంతంలో ఇండియన్ ఆర్మీకి చెందిన ఏవియేషన్ చీతా హెలికాప్టర్ కూలింది.ఈ ప్రమాదంలో ఇద్దరు పైలట్లు మరణించారు.
Updated Date - 2023-05-04T12:47:30+05:30 IST