Chief Minister: మా గ్యారెంటీ పథకాలతో ప్రధాని స్ఫూర్తి పొందారు..
ABN, First Publish Date - 2023-09-02T11:14:17+05:30
రాష్ట్రంలో నిరుపేద, మధ్య తరగతి ప్రజల్లో వెలుగు నింపేలా కాంగ్రెస్‌ ప్రభుత్వం అమలు చేస్తున్న గ్యారెంటీ పథకాలతో
బెంగళూరు, (ఆంధ్రజ్యోతి): రాష్ట్రంలో నిరుపేద, మధ్య తరగతి ప్రజల్లో వెలుగు నింపేలా కాంగ్రెస్‌ ప్రభుత్వం అమలు చేస్తున్న గ్యారెంటీ పథకాలతో ప్రధాని నరేంద్రమోదీ స్ఫూర్తి పొందడం ముఖ్యమంత్రి సిద్దరామయ్య(Chief Minister Siddaramaiah) వ్యాఖ్యానించారు. ఈమేరకు శుక్రవారం ఆయన ట్వీట్‌ చేశారు. కాంగ్రెస్‌ గ్యారెంటీ పథకాలు జాతీయస్థాయిలో బీజేపీలో వణుకు తెప్పిస్తున్నాయని, అందుకే గృహోపయోగ వంటగ్యాస్‌ సిలిండర్‌ ధరను రూ.200 తగ్గించారన్నారు. యూపీఏ ప్రభుత్వ హయాంలో రూ.450గా ఉన్న సిలిండర్‌ ధర ఎన్డీయే తొమ్మిదేళ్ల పాలనలో రూ.1200కు చేరుకుందని పేర్కొన్న సీఎం ప్రజాసంక్షేమంపై బీజేపీకి నిజంగా చిత్తశుద్ధి ఉంటే వంటగ్యాస్‌ ధరను మళ్లీ రూ.450 గా నిర్ణయించాలని సూచించారు.
Updated Date - 2023-09-02T11:14:18+05:30 IST