Viral Video: కరెంట్ షాక్ కొట్టి విలవిల్లాడిన బాలుడు.. చాకచక్యంగా కాపాడిన వృద్ధుడు
ABN, First Publish Date - 2023-09-27T16:04:02+05:30
కరెంట్ షాక్(Current Shock) కొట్టి విలవిల్లాడిన బాలుడి ప్రాణాలను ఓ వృద్ధుడు చాకచక్యంగా కాపాడాడు. ఉత్తర్ ప్రదేశ్(Uttarpradesh) లో జరిగిన ఈ ఘటన విజువల్స్ సీసీ కెమెరాల్లో నమోదయ్యాయి.
ఉత్తర్ ప్రదేశ్: కరెంట్ షాక్(Current Shock) కొట్టి విలవిల్లాడిన బాలుడి ప్రాణాలను ఓ వృద్ధుడు చాకచక్యంగా కాపాడాడు. ఉత్తర్ ప్రదేశ్(Uttarpradesh) లో జరిగిన ఈ ఘటన విజువల్స్ సీసీ కెమెరాల్లో నమోదయ్యాయి. స్థానికులు తెలిపిన వివరాల ప్రకారం.. వారణాసి(Varanasi)లో నివసిస్తున్న ఓ బాలుడు రోడ్డుపై నడుచుకుంటూ వస్తున్నాడు. కరెంటు సరఫరా అవుతున్న వైరు నేలపై ఉన్న నీటిలో పడటంతో బాలుడి(Kid)కి షాక్ తగిలింది. దీన్ని గమనించిన వాహనదారులు తమ వాహనాలు నిలిపివేశారు.
అదే సమయంలో బాలుడ్ని కాపాడటానికి ప్రయత్నాలు చేశారు. అదే సమయంలో ఓ వృద్ధుడు కర్రను తీసుకొచ్చాడు. దానిని పట్టుకోవాలని చిన్నారికి సూచించాడు. బాలుడు బాధను దిగమింగుతూ కర్రను పట్టుకుని కరెంటు సరఫరా అవుతున్న వైరును వదిలించుకునేందుకు ప్రయత్నించాడు. వృద్ధుడు బాలుడ్ని మరో పక్కకు లాగే సరికి కరెంట్ షాక్ బారి నుంచి తప్పించుకున్నాడు. పెద్దాయన సాహసానికి స్థానికులు మెచ్చుకున్నారు. ఈ వీడియో ఇప్పుడు సోషల్ మీడియాలో వైరల్ గా మారింది.
Updated Date - 2023-09-27T16:04:02+05:30 IST