Deputy Chief Minister: అసలు విషయం చెప్పేసిన ఉప ముఖ్యమంత్రి.. ఆ పథకాన్ని నేనే వాయిదా వేయించా..
ABN, First Publish Date - 2023-06-24T12:43:05+05:30
గృహలక్ష్మి పథకాన్ని కొన్ని రోజులు తానే వాయిదా వేయించానని ఉప ముఖ్యమంత్రి డీకే శివకుమార్‌(Deputy Chief Minister DK Shivakum
బెంగళూరు, (ఆంధ్రజ్యోతి): గృహలక్ష్మి పథకాన్ని కొన్ని రోజులు తానే వాయిదా వేయించానని ఉప ముఖ్యమంత్రి డీకే శివకుమార్‌(Deputy Chief Minister DK Shivakumar) తెలిపారు. ముఖ్యమంత్రి సిద్దరామయ్యతో చర్చలు జరిపాక గృహలక్ష్మి గ్యారెంటీకి సంబంధించి దరఖాస్తుల స్వీకరణ ప్రక్రియను హోల్డ్‌ చేశామన్నారు. శుక్రవారం ఆయన కుమారకృప అతిథిగృహం వద్ద మీడియాతో మాట్లాడుతూ.. రాష్ట్రమంతటా ఒక్కసారిగా లబ్ధిదారులు దరఖాస్తులకు సిద్ధమయ్యారని పేర్కొన్నారు. ప్రతిచోటా వివాదమవుతోందని, గందరగోళం తగ్గించాలనే వాయిదా వేశామన్నారు. స్త్రీ శిశుసంక్షేమశాఖ మంత్రితో ఓ సభ నిర్వహించి పథకాన్ని అమలు చేసే ప్రయత్నం చేస్తామన్నారు. దరఖాస్తు చేసుకోవడం పూర్తిగా ఉచితమని, ఎవరైనా వ్యక్తులు, సంస్థలు వసూళ్లకు పాల్పడితే కఠినంగా వ్యవహరిస్తామని హెచ్చరించారు. అటువంటి వారిపై కఠినచర్యలకు వెనుకాడేది లేదన్నారు. లంచం అడిగితే ఫిర్యాదు చేయాలని ఇప్పటికే ఫోన్ నెంబరు కూడా ప్రకటించానన్నారు.
Updated Date - 2023-06-24T12:43:05+05:30 IST