Electric Car: నడి రోడ్డుపై క్షణాల్లో కాలి బూడిదైన ఎలక్ట్రిక్ కారు
ABN, First Publish Date - 2023-10-01T19:09:20+05:30
ఎలక్ట్రిక్ వాహనాలు క్షణాల్లో కాలి బూడిదవుతున్న సంఘటనల్ని తరచూ చూస్తున్నాం. వాటి భద్రత విషయంలో ఇవి అనేక సందేహాలు కలగజేస్తున్నాయి. తాజాగా మరో ఎలక్ట్రిక్ కారు కాలి బూడిదైంది. పోలీసులు తెలిపిన వివరాల ప్రకారం.. బెంగళూరులోని జేపీ నగర్ వీధి మీదుగా ఓ ఎలక్ట్రిక్ కారు వెళ్లింది.
బెంగళూరు: ఎలక్ట్రిక్ వాహనాలు క్షణాల్లో కాలి బూడిదవుతున్న సంఘటనల్ని తరచూ చూస్తున్నాం. వాటి భద్రత విషయంలో ఇవి అనేక సందేహాలు కలగజేస్తున్నాయి. తాజాగా మరో ఎలక్ట్రిక్ కారు కాలి బూడిదైంది. పోలీసులు తెలిపిన వివరాల ప్రకారం.. బెంగళూరులోని జేపీ నగర్ వీధి మీదుగా ఓ ఎలక్ట్రిక్ కారు వెళ్లింది. అకస్మాత్తుగా అందులో పొగలు రావడం స్టార్ట్ అయ్యాయి. అప్రమత్తమైన కారు యజమాని అందులోంచి బయటకి దిగాడు.
షార్ట్ సర్క్యూట్ జరిగి మంటలు చెలరేగాయి. అవి కారు మొత్తం వ్యాపించడంతో క్షణాల్లో కారు కాలి బూడిదైంది. ఈ దృశ్యాలను అక్కడే ఉన్న కొందరు వీడియో తీసి సోషల్ మీడియాలో అప్ లోడ్ చేశారు. ప్రస్తుతం ఈ వీడియో నెట్టింట వైరల్ గా మారింది. ఈ వీడియోలో కారు నుంచి వస్తున్న దట్టమైన పొగలు కనిపిస్తున్నాయి. ఈవీ వాహనాలు వాడాలని ప్రభుత్వాలు ప్రచారం చేస్తున్నా వాటి భద్రతపై ఇప్పటికీ నీలి నీడలు తొలగిపోలేదు.
Updated Date - 2023-10-01T19:09:20+05:30 IST