Former CM: మాజీ సీఎం ఆసక్తికర కామెంట్స్.. 15 మంది కాంగ్రెస్‌ నేతలు అంటూ..
ABN, First Publish Date - 2023-04-09T10:48:17+05:30
ఎన్నికలు సమీపిస్తున్న వేళ కాంగ్రెస్‌కు చెందిన 15మందికి పైగా జేడీఎస్‌లో చేరుతారని మాజీ సీఎం కుమారస్వామి(Former CM K
బెంగళూరు, (ఆంధ్రజ్యోతి): ఎన్నికలు సమీపిస్తున్న వేళ కాంగ్రెస్‌కు చెందిన 15మందికి పైగా జేడీఎస్‌లో చేరుతారని మాజీ సీఎం కుమారస్వామి(Former CM Kumaraswamy) తెలిపారు. శనివారం రామనగర్‌లో ఆయన మీడియాతో మాట్లాడారు. ఎన్నికలు సమీపిస్తున్న కొద్దీ కాంగ్రెస్‌కు చెందినవారు మా పార్టీలో చేరేందుకు సిద్ధంగా ఉన్నారన్నారు. మాజీ ఎమ్మెల్సీ రఘు ఆచార్‌(Former MLC Raghu Achar) ఇప్పటికే పార్టీలో చేరే విషయమై చర్చలు జరిపారన్నారు. రఘుఆచార్‌ మాత్రమే కాదని మరో 15మందికి పైగానే వస్తారన్నారు. గతంలో జేడీఎస్‌కు చెందిన వారిని కాంగ్రెస్‌ వారు లాగేసుకున్నారని మండిపడ్డారు. జేడీఎస్‌(JDS)ను నిర్వీర్యం చేయాలని ప్రయత్నం చేశారన్నారు. ఇప్పుడు అదేపార్టీకు చెందిన వారు జేడీఎస్‌లో చేరేందుకు వస్తున్నారన్నారు. మీడియా అడిగిన ప్రశ్నకు సమాధానంగా చిక్కమగళూరు జిల్లాలో వ్యాఖ్యానించిన వాటికి కట్టుబడ్డానన్నారు. వైఎస్‌వీ దత్తా ఎవరో తెలియదన్నారు. ఆయన లాంటి వారికి జేడీఎస్‌ చిన్న పార్టీ అని పెద్దపార్టీలలోకి వెళ్ళేవారికి మాతో పనేముందంటూ ఎద్దేవా చేశారు.
Updated Date - 2023-04-09T10:48:17+05:30 IST