Live bomb Shell: సీఎం నివాసం దగ్గరలో లైవ్ బాంబ్
ABN, First Publish Date - 2023-01-02T18:31:42+05:30
పంజాబ్ ముఖ్యమంత్రి భగవంత్ సింగ్ మాన్ నివాసానికి సమీపంలో లైవ్ బాంబ్ షెల్ కనిపించడం..
చండీగఢ్: పంజాబ్ ముఖ్యమంత్రి భగవంత్ సింగ్ మాన్ (Bhagwant Mann) నివాసానికి సమీపంలో లైవ్ బాంబ్ షెల్ (Lve bomb Shell) కనిపించడం సంచలనమైంది. బాంబు షెల్ కనిపించిన చోటుకు సమీపంలోనే హర్యానా సీఎం మనోహర్ లాల్ ఖత్తార్ హెలిప్యాడ్ కూడా ఉంది. కన్సాల్/నయాగావ్ రోడ్డుపైనున్న T-piont సమీపంలో లైవ్ బాంబు దొరకడంతో ప్రజలు భయాందోళనకు గురయ్యారు. చండీగఢ్ పోలీసులు, బాంబ్ నిర్వీర్య బృందాలతో పాటు డిజాస్టర్ మేనేజిమెంట్ సిబ్బంది హుటాహుటిన ఆ ప్రాంతాన్ని తమ అధీనంలోకి తీసుకున్నారు. ఆర్మీ టీమ్‌ను కూడా ఘటనా స్థలికి రావాలని కోరినట్టు అధికారులు తెలిపారు. బాంబు షెల్ లైవ్‌లో ఉండటంతో దానిని జాగ్రత్తగా ఫ్రైబర్ డ్రముల్లో ఉంచి, చుట్టుపక్కల ఇసుక బస్తాలను సిద్ధం చేశారు. పోలీసులు ఈ ఘటనపై విచారణ చేపట్టారు.
Updated Date - 2023-01-02T18:31:43+05:30 IST