Metro trains: తిరుచ్చి, సేలంలో మెట్రోరైళ్లు
ABN, First Publish Date - 2023-08-16T08:40:49+05:30
తిరుచ్చి, సేలం(Trichy, Salem) నగరాల్లో మెట్రోరైలు ప్రాజెక్ట్‌ సాధ్యాసాధ్యాలపై త్వరలో ప్రభుత్వానికి నివేదిక అందజేయనున్నట్లు చెన్నై మెట్రోరైల్‌
- త్వరలో నివేదిక సమర్పణ
పెరంబూర్‌(చెన్నై): తిరుచ్చి, సేలం(Trichy, Salem) నగరాల్లో మెట్రోరైలు ప్రాజెక్ట్‌ సాధ్యాసాధ్యాలపై త్వరలో ప్రభుత్వానికి నివేదిక అందజేయనున్నట్లు చెన్నై మెట్రోరైల్‌ లిమిటెడ్‌ (Chennai Metrorail Limited) తెలిపింది. ప్రస్తుతం చెన్నైలో మెట్రోరైలు పథకం-2 పనులు వేగవంతంగా జరుగుతుంది. తదుపరి మదురై, కోయంబత్తూర్‌ నగరాల్లో మెట్రోరైలు ప్రాజెక్ట్‌లపై సీఎంఆర్‌ రాష్ట్రప్రభుత్వానికి నివేదిక అందజేసింది. ఈ నేపథ్యంలో, సేలంలో 40 కి.మీ, తిరుచ్చిలో 38 కి.మీ దూరం మెట్రోరైలు ప్రాజెక్ట్‌ సాధ్యాసాధ్యాలపై సీఎంఆర్‌ఎల్‌ అధ్యయనం చేపట్టింది. బస్సు, రైల్వేస్టేషన్ల అనుసంధానం, ప్రయాణికులు అధికంగా ఉన్న ప్రాంతాల్లో మెట్రో రైల్వేస్టేషన్ల ఏర్పాటు, ఖర్చు, వ్యయం, ఆదాయం తదితర వివరాలతో కూడిన నివేదికను త్వరలో రాష్ట్రప్రభుత్వానికి అందజేయనున్నట్లు సీఎంఆర్‌ఎల్‌ అధికారులు తెలిపారు.
Updated Date - 2023-08-16T08:43:35+05:30 IST