Live bomb found: గురుద్వారా వద్ద లైవ్ గ్రనేడ్...భద్రతా సిబ్బంది అలర్ట్
ABN, First Publish Date - 2023-04-21T18:06:26+05:30
పంజాబ్‌ తరన్ తారన్‌‌‌లోని శ్రీ దర్బార్ సాహిబ్ గురుద్వారాలో శుక్రవారం బాంబు కలకలం..
చండీగఢ్: పంజాబ్‌ (Punjab) తరన్ తారన్‌‌‌లోని శ్రీ దర్బార్ సాహిబ్ గురుద్వారాలో శుక్రవారం బాంబు కలకలం రేగింది. గురుద్వారాలోని వాహనాలు నిలిపే ప్రాంతంలో లైవ్ బాంబ్ ఒకటి కనుగొనడంతో భద్రతా సిబ్బంది అప్రమత్తమయ్యారు. ఆలయ ప్రాంగణాన్ని శుభ్రం చేస్తుండగా బాంబు కంటపడటంతో సిబ్బంది వెంటనే పోలీసులను అప్రమత్తం చేశారు. దీంతో హుటాహుటిన ఘటనా స్థలికి చేరుకున్న పోలీసు అధికారులు, బాంబు స్క్వాడ్ ఆ ప్రాంతాన్ని ఖాళీ చేయించి తమ అధీనంలోకి తీసుకున్నారు. లైవ్ బాంబును నిర్వీర్యం చేయడంతో పాటు. ఆలయ ప్రాంగణంలో బాంబులు ఇంకెక్కడైనా అమర్చి ఉండవచ్చా అనే అనుమానంతో ఆ ప్రాంతమంతా జల్లెడ పడుతున్నారు. దర్బార్ సాహిబ్‌లోని వాహనాల స్టాండ్‌ వద్దకు బాంబు ఎలా వచ్చిందనే విషయంపై సిబ్బందిని ఆరా తీస్తున్నారు.
Updated Date - 2023-04-21T18:06:26+05:30 IST