Sonia message to Karnataka: కర్ణాటక ప్రజలకు సోనియా వీడియో సందేశం
ABN, First Publish Date - 2023-05-20T21:25:09+05:30
న్యూఢిల్లీ: కాంగ్రెస్ పార్టీకి చారిత్రక విజయం అధించిన కర్ణాటక ప్రజలకు కాంగ్రెస్ మాజీ అధ్యక్షురాలు సోనియాగాంధీ శనివారంనాడు హృదయపూర్వక కృతజ్ఞతలు తెలియజేశారు. ఈ మేరకు సోనియాగాంధీ ఇచ్చిన వీడియో సందేశాన్ని కాంగ్రెస్ అధికార ట్విట్టర్‌ ఖాతాలో షేర్ చేశారు.
న్యూఢిల్లీ: కాంగ్రెస్ పార్టీకి చారిత్రక విజయం అధించిన కర్ణాటక (Karnataka) ప్రజలకు కాంగ్రెస్ మాజీ అధ్యక్షురాలు సోనియాగాంధీ (Sonia Gandhi) శనివారంనాడు హృదయపూర్వక కృతజ్ఞతలు తెలియజేశారు. ఈ మేరకు సోనియాగాంధీ ఇచ్చిన వీడియో సందేశాన్ని కాంగ్రెస్ అధికార ట్విట్టర్‌ ఖాతాలో షేర్ చేశారు.
''చారిత్రక తీర్పుతో కాంగ్రెస్‌కు ఘనవిజయం అందించిన కర్ణాటక ప్రజలకు నా హృదయపూర్వక కృతజ్ఞతలు. కాంగ్రెస్ ప్రభుత్వం ఇచ్చిన హామీలకు, వాటి అమలుకు కట్టుబడి ఉంటుందని మీకు నేను మరోసారి భరోసా ఇస్తున్నారు. మేము ఇచ్చిన ఐదు హామీలను తొలి మంత్రివర్గ సమావేశంలోనే తక్షణం ఆమోదించడం చూసి గర్విస్తున్నాను. కర్ణాకట అభ్యుదయం, శాంతి, ప్రగతి కోసం కాంగ్రెస్ పార్టీ పునరంకితవుతోంది'' అని సోనియాగాంధీ తన వీడియో సందేశంలో పేర్కొన్నారు.
దీనికి ముందు, కర్ణాటక సీఎంగా సిద్ధరామయ్య, డిప్యూటీ సీఎంగా డీకే శివకుమార్ శ్రీ కంఠీరవ స్టేడియంలో శనివారంనాడు ప్రమాణస్వీకారం చేసిన కార్యక్రమంలో రాహుల్ గాంధీ, ప్రియాంక గాంధీ పాల్గొన్నారు. కర్ణాటక ప్రజలకు కాంగ్రెస్ ప్రభుత్వం స్వచ్ఛమైన, అవినీతి రహిత పాలన అందించనుందని రాహుల్ గాంధీ తన ప్రసంగంలో పేర్కొన్నారు. తమ పార్టీ ఇచ్చిన హామీలను నిలబెట్టుకుంటుందని చెప్పారు. కాంగ్రెస్ పార్టీ ఎన్నికల మేనిఫెస్టోలో ప్రజలకు 5 ప్రధాన హామీలు ఇచ్చిందని, తాము ఎప్పుడూ తప్పుడు హామీలు ఇవ్వమని, ఏది చెప్పామో అదే చేస్తామని అన్నారు. మరో ఒకటి రెండు గంటల్లోనే క్యాబినెట్ తొలి సమావేశం జరుగుతుందని, ఆ సమావేశంలోనే ప్రజలకు ఇచ్చిన 5 హామీలకు చట్టబద్ధత కల్పిస్తామని రాహుల్ ప్రకటించారు. ఇందుకు తగ్గట్టుగానే కొద్ది సేపటికే సిద్ధరామయ్య జరిపిన తొలి క్యాబినెట్ సమావేశంలో పార్టీ ఇచ్చిన 5 హామీలపై తొలి సంతకం చేస్తూ, తక్షణం అమలుకు ఆదేశాలు జారీ చేశారు.
Updated Date - 2023-05-20T21:25:09+05:30 IST