TANA: డాక్టర్ కాకర్ల సుబ్బారావుకు తానా ఘన నివాళి
ABN, First Publish Date - 2023-04-17T09:16:22+05:30
ఉత్తర అమెరికాలోని పెన్సిల్వేనియా రాష్ట్రం, నారిస్ టౌన్‌లో ఏప్రిల్ 15న ప్రతిష్ఠాత్మక తానా 23వ మహాసభల సమన్వయ కమిటీల సమావేశం జరిగింది.
ఉత్తర అమెరికాలోని పెన్సిల్వేనియా రాష్ట్రం, నారిస్ టౌన్‌లో ఏప్రిల్ 15న ప్రతిష్ఠాత్మక తానా 23వ మహాసభల సమన్వయ కమిటీల సమావేశం జరిగింది. ఈ సందర్భంగా అక్కడకి వచ్చిన కమిటీ సభ్యులు తానా వ్యవస్థాపకులు, తొలి అధ్యక్షులు స్వర్గీయ శ్రీ కాకర్ల సుబ్బారావు ద్వితీయ వర్ధంతిని పురస్కరించుకుని పుష్ఫగుచ్ఛాలతో ఘన నివాళులు అర్పించారు. అంతేకాకుండా జులై 7, 8, 9వ తేదీలలో పెన్సిల్వేనియా కన్వెన్షన్ సెంటర్లో జరగబోయే మహాసభలను జయప్రదం చేసేందుకు ప్రస్తుత కార్యాచరణ, మహాసభల అతిథులకు ఏర్పాట్లు, ఇతర అంశాలపై చర్చించారు. ఈ కార్యక్రమంలో డెలావేర్, న్యూ జెర్సీ, పెన్సిల్వేనియా రాష్ట్రాల నుండి 23వ మహాసభల కమిటీ సభ్యులు హాజరై వారి కమిటీల కార్యాచరణ, పురోగతి, నిర్వహణ ప్రణాళిక తదితర వివరాలను వివరించారు.
Updated Date - 2023-04-17T09:17:44+05:30 IST