British Woman: భారత్‌కు వచ్చిన బ్రిటీష్ మహిళకు షాకింగ్ అనుభవం.. 40 ఏళ్ల ఈ వ్యక్తిని పోలీసులు అరెస్ట్ చేయడం వెనుక..
ABN, First Publish Date - 2023-07-06T19:20:29+05:30
భారత పర్యటనకు వచ్చిన బ్రిటన్ మహిళ వేధింపులకు గురయ్యాడు. ఓ వ్యక్తి ఆమెను అసభ్యకరంగా తాకేందుకు ప్రయత్నించాడు. ఘటనపై కేసు నమోదు చేసుకున్న పోలీసులు నిందితుడిని బుధవారం అరెస్టు చేశారు.
ఎన్నారై డెస్క్: భారత పర్యటనకు వచ్చిన బ్రిటన్ మహిళ వేధింపులకు గురయ్యాడు. ఓ వ్యక్తి ఆమెను అసభ్యకరంగా తాకేందుకు ప్రయత్నించాడు(British woman harassed). ఘటనపై కేసు నమోదు చేసుకున్న పోలీసులు నిందితుడిని బుధవారం అరెస్టు చేశారు. రాజస్థాన్‌లోని జైపూర్ నగరంలో(Jaipur) ఈ ఘటన వెలుగు చూసింది. మహిళ వేధింపులకు గురవుతున్న వీడియో పోలీసుల దృష్టికి రావడంతో నిందితుడి ఆట ముగిసింది.
నగరంలో జూన్ 15న బాధితురాలు తన స్నేహితురాలితో కలిసి తన హోటల్‌కు నడుచుకుంటూ వెళుతుండగా నిందితుడు ఆమెను హోటల్ వద్ద అసభ్యకరంగా తాకే ప్రయత్నం చేశాడు. ఆ తరువాత మహిళ వెనకే హోటల్ లాబీలోకి వెళ్లి ఆమెను కౌగిలించుకునేందుకు యత్నించాడు.
విషయం విధాయక్‌పు స్టేషన్ పోలీసుల దృష్టికి వెళ్లడంతో వారు వెంటనే రంగంలోకి దిగారు. నిందితుడిపై పలు సెక్షన్ల కింద కేసు నమోదు చేశారు. సీసీటీవీ ఫుటేజీ ద్వారా అతడి కోసం గాలింపు చర్యలు చేపట్టారు. సోషల్ మీడియాలో వీడియో క్లి్ప్పింగ్స్ పరిశీలించి నిందితుడికి సంబంధించి ప్రాథమిక ఆధారాలు కనుక్కొన్నారు. అతడి పేరు కుల్దీప్ సింగ్(40) అని, బరన్ జిల్లా వాస్తవ్యుడని గుర్తించారు. ఈ వివరాలను రాష్ట్రంలోని అన్ని పోలీస్ స్టేషన్లకు పంపించారు. మంగళవారం బికనీర్‌లో అతడిని దొరకబుచ్చుకున్న పోలీసుల బుధవారం జైపూర్ నగరానికి తీసుకొచ్చారు. నిందితుడి అరెస్టయిన విషయాన్ని బాధితురాలికి సోషల్ మీడియా ద్వారా తెలపడంతో ఆమె హర్షం వ్యక్తం చేశారు.
Updated Date - 2023-07-06T19:20:32+05:30 IST