TANA: తానా 23వ మహాసభలకు చంద్రబాబుకు ఆహ్వానం
ABN, First Publish Date - 2023-05-30T22:41:52+05:30
తానా 23వ మహాసభల్లో విశిష్ట అతిథిగా పాల్గొనాలంటూ టీడీపీ అధినేత చంద్రబాబును తానా అధ్యక్షులు అంజయ్య చౌదరి లావు, తానా ఫౌండేషన్ కార్యదర్శి శశికాంత్ వల్లేపల్లి, మహాసభల అవార్డ్స్ కమిటీ చైర్ రామ్ బోబ్బా ఆహ్వానించారు.
తానా అధ్యక్షులు అంజయ్య చౌదరి లావు నేతృత్వంలో మహాసభల కన్వీనర్ రవి పొట్లూరి ఆధ్వర్యంలో ఫిలడెల్ఫియాలోని పెన్సిల్వేనియా కన్వెన్షన్‌ సెంటర్‌లో జూలై 7 నుంచి 9వ తేదీ వరకు జరగనున్న ఉత్తర అమెరికా తెలుగు సంఘం (తానా-TANA) 23వ మహాసభలకు విశిష్ట అతిథిగా రావాల్సిందిగా మాజీ ముఖ్యమంత్రి, తెలుగుదేశం పార్టీ జాతీయ అధ్యక్షులు నారా చంద్రబాబు నాయుడుని అంజయ్య చౌదరి లావు, తానా ఫౌండేషన్ కార్యదర్శి శశికాంత్ వల్లేపల్లి, మహాసభల అవార్డ్స్ కమిటీ చైర్ రామ్ బోబ్బా ఆహ్వానించారు. ఈ మేరకు వారు టీడీపీ అధినేతను మర్యాదపూర్వకంగా కలిసి ఆహ్వానపత్రాన్ని అందించారు.
జూలై 7,8,9 తేదీల్లో జరిగే ఈ మహాసభల్లో రాజకీయ, సినీరంగ ప్రముఖులతోపాటు సాహితీవేత్తలు, కవులు, ఇతర కళాకారులు, పారిశ్రామికవేత్తలు, మ్యూజిక్‌ డైరెక్టర్లు హాజరవుతున్నారు. ఈ మహాసభలను ఎంతో ప్రతిష్ఠాత్మకంగా అంగరంగ వైభవంగా నిర్వహించేందుకు తానా అధ్యక్షుడు అంజయ్య చౌదరి లావు, కాన్ఫరెన్స్‌ కన్వీనర్ రవి పొట్లూరి కృషి చేస్తున్నారు.
Updated Date - 2023-05-31T10:22:02+05:30 IST