Telugu Desam Party: వాడకంలో ఆయన తర్వాతే.. గోరంట్ల బుచ్చయ్య చౌదరి ట్వీట్ వైరల్
ABN, Publish Date - Dec 23 , 2023 | 06:34 PM
Telugu Desam Party: టీడీపీ ఎమ్మెల్యే గోరంట్ల బుచ్చయ్య చౌదరి సోషల్ మీడియాలో ఎప్పుడూ యాక్టివ్‌గా ఉంటారు. ఆయన తాజాగా చేసిన ట్వీట్ వైరల్ అవుతోంది. వైసీపీ అధినేత, సీఎం జగన్‌పై బుచ్చయ్య చౌదరి ఓ ట్వీట్ చేశారు. శుక్రవారం విడుదలైన ప్రభాస్ సలార్ మూవీని ప్రస్తావిస్తూ ఆయన చేసిన ట్వీట్ అందరినీ ఆకట్టుకుంటోంది.
టీడీపీ ఎమ్మెల్యే గోరంట్ల బుచ్చయ్య చౌదరి సోషల్ మీడియాలో ఎప్పుడూ యాక్టివ్‌గా ఉంటారు. ఆయన తాజాగా చేసిన ట్వీట్ వైరల్ అవుతోంది. వైసీపీ అధినేత, సీఎం జగన్‌పై బుచ్చయ్య చౌదరి ఓ ట్వీట్ చేశారు. శుక్రవారం విడుదలైన ప్రభాస్ సలార్ మూవీని ప్రస్తావిస్తూ ఆయన చేసిన ట్వీట్ అందరినీ ఆకట్టుకుంటోంది. ప్రభాస్‌ను కరెక్టుగా వాడుకుంది రాజమౌళి, ప్రశాంత్ నీల్‌కు మాత్రమే అని.. జూనియర్ ఎన్టీఆర్‌ను కరెక్టుగా వాడుకుంది రాజమౌళి, వినాయక్ మాత్రమే అని.. మహేష్‌బాబును కరెక్టుగా వాడుకుంది పూరీ జగన్నాథ్ మాత్రమే అని.. అల్లు అర్జున్‌ను కరెక్టుగా వాడుకుంది సుకుమార్ మాత్రమే అని.. అలాగే బాబాయ్, చెల్లి, తల్లిని కరెక్టుగా వాడుకుంది జగన్ అంటూ బుచ్చయ్య చౌదరి ట్వీట్ చేశారు.
కాగా సినిమాల విషయానికి వస్తే.. ప్రభాస్‌తో రాజమౌళి ఛత్రపతి, బాహుబలి సిరీస్ సినిమాలను చేయగా.. ప్రశాంత్ నీల్ సలార్ మూవీని తెరకెక్కించాడు. జూనియర్ ఎన్టీఆర్‌తో రాజమౌళి స్టూడెంట్ నంబర్ వన్, సింహాద్రి, యమదొంగ, ఆర్.ఆర్.ఆర్ సినిమాలను తెరకెక్కించాడు. వినాయక్ ఆది, అదుర్స్ చిత్రాలను తీశాడు. మహేష్‌బాబుతో పూరీ జగన్నాథ్ పోకిరి, బిజినెస్ మేన్ సినిమాలను తీశాడు. అల్లు అర్జున్‌తో సుకుమార్ పుష్ప సిరీస్ చిత్రాలను తెరకెక్కించాడు.
మరిన్ని ఏపీ వార్తల కోసం ఇక్కడ క్లిక్ చేయండి.
Updated Date - Dec 23 , 2023 | 06:37 PM
