Kerala Lottery: జస్ట్ రూ.250 లాటరీ టికెట్‌కు.. రూ.10 కోట్ల జాక్‌పాట్..!
ABN, First Publish Date - 2023-07-28T13:42:55+05:30
కేరళకు (Kerala) చెందిన పదకొండు మంది మహిళలకు లాటరీ రూపంలో అదృష్టం వరించింది.
Kerala Lottery: కేరళకు (Kerala) చెందిన పదకొండు మంది మహిళలకు లాటరీ రూపంలో అదృష్టం వరించింది. వారందరూ కలిసి కేవలం రూ.250లతో కొనుగోలు చేసిన లాటరీ టికెట్‌కు ఏకంగా రూ.10 కోట్ల జాక్‌పాట్ (Jackpot) తగిలింది. దాంతో ఆ 11మంది మహిళలు రాత్రికిరాత్రే లక్షాధికారులైపోయారు. ఇక ఈ 250 రూపాయల లాటరీ టికెట్ (Lottery Ticket) కోసం 11 మంది మహిళలు డబ్బులు పోగేసి మరీ కొనుగోలు చేశారు. చివరికి వారికి అదృష్టం కలిసి రావడంతో రూ.10 కోట్లు గెలుచుకున్నారు. పూర్తి వివరాల్లోకి వెళ్తే.. మలప్పురం పరిధిలోని పరప్పనంగడి మున్సిపాలిటీ (Parappanangadi Municipality)కి చెందిన హరిత కర్మ సేనకు చెందిన కొందరు పేద మహిళలు స్థానికంగా నాన్ బయోడిగ్రేడబుల్ వ్యర్థాలను సేకరించి రీసైక్లింగ్ ప్లాంట్‌‌కు తరలిస్తుంటారు. అలా వచ్చే ఆ కొద్ది పాటి ఆదాయమే వారికి జీవనాధారం.
దాంతో వారు లాటరీ ద్వారా తమ అదృష్టాన్ని మార్చుకోవాలని భావించారు. కానీ, ఆ టికెట్ కొనుగోలు చేసే స్తోమత కూడా వారికి లేదు. అప్పుడే వారికి ఒక ఆలోచన వచ్చింది. చెరో కొంత పోగేసి రూ.250 విలువ చేసే లాటరీ టికెట్ కొనుగోలు చేయాలని నిర్ణయించుకున్నారు. వెంటనే తొమ్మిది మంది తలో రూ.25 ఇచ్చారు. మరో ఇద్దరు రూ12.50 ఇవ్వడంతో లాటరీ టికెట్ కొనేందుకు కావాల్సిన రూ.250 జమ అయ్యాయి. అలా వారు పోగేసి కొనుగోలు చేసిన లాటరీ టికెట్‌కు బుధవారం కేరళ లాటరీ డిపార్టుమెంటు వారు నిర్వహించ డ్రాలో రూ.10 కోట్ల విలువ చేసే మాన‌సూన్ బంపర్ లాటరీ తగిలింది. దాంతో ఆ 11 మంది మహిళల ఆనందానికి హద్దులేకుండా పోయింది. తాము రోజు గడవడానికే చాలా కష్ట పడుతున్నామని, ఈ ప్రైజ్‌మనీతో కొంతమేర తమ సమస్యలు తీరుతాయని వారు చెప్పుకొచ్చారు.
Beautiful Video: ఆహా..! మార్నింగ్ వాక్ వెళ్లినవారికి కనులవిందు.. ఇలాంటి అద్భుతమైన దృశ్యం చాలా అరుదు బాస్!
Updated Date - 2023-07-28T13:44:39+05:30 IST