Python Video: ఈ కొండచిలువకు వాహనాలంటే యమా ఇష్టమనుకుంటా.. లారీలోంచి బయటకు తీస్తే ఏకంగా బైక్‌ను చుట్టేసింది.. చివరకు..!
ABN, First Publish Date - 2023-10-07T18:38:34+05:30
ఆ లారీ డ్రైవర్ హైవే మీద వెళ్తున్నాడు.. ఇంతలో అతని పక్కన ఉన్న సీటు కింద నుంచి ఏదో శబ్దం వినిపించింది.. మొదట అతడు పట్టించుకోలేదు.. ఆ తర్వాత చూసి భయంతో నివ్వెరపోయాడు.. 8 అడుగుల భారీ కొండ చిలువ ట్రక్కు వెనుక భాగం నుంచి క్యాబిన్‌లోకి వస్తుండడం చూసి షాకైపోయాడు..
ఆ లారీ డ్రైవర్ (Lorry Driver) హైవే మీద వెళ్తున్నాడు.. ఇంతలో అతని పక్కన ఉన్న సీటు కింద నుంచి ఏదో శబ్దం వినిపించింది.. మొదట అతడు పట్టించుకోలేదు.. ఆ తర్వాత చూసి భయంతో నివ్వెరపోయాడు.. 8 అడుగుల భారీ కొండ చిలువ (Python) ట్రక్కు వెనుక భాగం నుంచి క్యాబిన్‌లోకి వస్తుండడం చూసి షాకైపోయాడు.. వెంటనే లారీని పక్కన ఆపేసి పోలీసులకు ఫోన్ చేశాడు. నోయిడా (Greater Noida) పోలీసులు వెంటనే ఘటనా స్థలానికి చేరుకుని ఆ కొండ చిలువను కాపాడారు. ఆ వీడియో సోషల్ మీడియాలో వైరల్ (Viral Video) అవుతోంది.
గ్రేటర్ నోయిడాలోని పారి చౌక్‌ సమీపంలో ప్రయాణిస్తున్న ఓ లారీలోకి ఓ భారీ కొండ చిలువ ప్రవేశించింది. ట్రక్కు వెనుక భాగం నుంచి క్యాబిన్‌లోకి ప్రవేశిస్తుండగా డ్రైవర్ గుర్తించి వెంటనే పోలీసులకు సమాచారం అందించాడు. నోయిడా పోలీసులు అక్కడకు చేరుకుని తాడు, గోనె సహాయంతో ఆ కొండ చిలువను లారీ నుంచి కిందకు దించారు. అయినా ఆ కొండ చిలువ ఆగకుండా బైక్ మీదకు ఎక్కి దానిని చుట్టేసింది. ఆ తర్వాత అదే టెక్నిక్‌ను ఉపయోగించి బైక్‌పై ఉన్న కొండ చిలువను పట్టుకుని గోనెలో వేసుకుని తీసుకెళ్లారు (Python Videos).
Rs 2000 Notes: అక్టోబర్ 7వ తారీఖే లాస్ట్ డేట్ కానీ.. ఆ తర్వాత కూడా 2 వేల నోట్లను మార్చుకునేందుకు మరో దారి..!
ఈ వీడియో సోషల్ మీడియాలో వైరల్‌గా మారింది. యూపీ పోలీసులు ట్విటర్‌లో షేర్ చేసిన ఈ వీడియోను ఇప్పటివరకు 22 వేల మందికి పైగా వీక్షించారు. వెంటనే స్పందించిన పోలీసులపై నెటిజన్లు ప్రశంసలు కురిపించారు. ``గ్రేట్ జాబ్ బై ది పోలీస్, సెల్యూట్``, ``వామ్మో.. కొండచిలువ చాలా భారీగా ఉంది`` అంటూ నెటిజన్లు కామెంట్లు చేశారు.
Updated Date - 2023-10-07T18:38:34+05:30 IST