Viral Video: ఇలాంటి వాళ్లను ఏం చేయాలి..? స్కూటీపై వెళ్తూ ఇదేం పనయ్యా బాబూ..!
ABN, First Publish Date - 2023-11-22T17:26:56+05:30
ముంబై పోలీసులు సోషల్ మీడియాలో బాగా యాక్టివ్‌గా ఉంటారు. పలు వీడియోలను ట్విటర్‌లో పోస్ట్ చేసి ప్రజలను హెచ్చరిస్తుంటారు. ట్రెండింగ్ టాపిక్‌లపై సరదాగా ట్వీట్ చేయడం, రోడ్డు భద్రతపై సలహాలు ఇవ్వడం వంటివి చేస్తూ ముంబై పోలీసులు ప్రజలకు చేరువగా ఉంటారు.
ముంబై పోలీసులు (Mumbai Police) సోషల్ మీడియాలో బాగా యాక్టివ్‌గా ఉంటారు. పలు వీడియోలను ట్విటర్‌లో పోస్ట్ చేసి ప్రజలను హెచ్చరిస్తుంటారు. ట్రెండింగ్ టాపిక్‌లపై సరదాగా ట్వీట్ చేయడం, రోడ్డు భద్రతపై సలహాలు ఇవ్వడం వంటివి చేస్తూ ముంబై పోలీసులు ప్రజలకు చేరువగా ఉంటారు. తాజాగా ముంబై పోలీసులు షేర్ చేసిన ఓ వీడియో సోషల్ మీడియాలో వైరల్ (Viral Video) అవుతోంది. వైరల్ అవుతున్న ఆ వీడియోలో ఓ వ్యక్తి స్కూటీపై వేగంగా వెళ్తూ ఓ స్టంట్ చేశాడు. ఆ వీడియో షేర్ చేసిన పోలీసులు ప్రజలను హెచ్చరించారు.
ముంబై పోలీసులు తమ ఇన్‌స్టాగ్రామ్ ఖాతాలో శనివారం ఓ వీడియోను పోస్ట్ చేశారు. వైరల్ అవుతున్న ఆ వీడియోలో ఓ వ్యక్తి హెల్మెట్ ధరించి స్కూటీపై (Scooty) వేగంగా వెళ్తున్నాడు. అయితే ఆ వ్యక్తి స్కూటీ హ్యాండిల్‌‌ను పట్టుకోలేదు. రెండు చేతులను తన కాళ్లపై పెట్టుకున్నాడు. బ్యాగ్రౌండ్‌లో ``సీతా ఔర్ గీతా`` చిత్రంలోని ``హవా కే సాథ్ సాథ్, ఘటా కే సాంగ్ సాంగ్`` పాట ప్లే అవుతోంది. ఆ వ్యక్తి స్టంట్‌ను ఓ వ్యక్తి కారులో నుంచి వీడియో తీసి సోషల్ మీడియాలో పోస్ట్ చేశాడు (Bike Stunt).
Viral Video: యూట్యూబ్‌ను షేక్ చేస్తున్న వీడియో.. సమాధిలోకి వెళ్లి మరీ ఓ యూట్యూబర్ రిస్కీ స్టంట్..!
ఆ వీడియో ముంబై పోలీసుల దృష్టికి వెళ్లడంతో వారు స్పందించారు. ``మీకు గాలిలో ఎగరడం ఇష్టమా? జాగ్రత్త.. ఇలాంటి బాధ్యతారాహిత్యం గల వ్యక్తి ఇంకా పైకి వెళ్తాడు`` అని కామెంట్ చేశారు. ఈ వీడియో సోషల్ మీడియాలో వైరల్‌గా మారింది. ఈ వీడియోను 30 వేల మందికి పైగా లైక్ చేసారు. ఎంతో మంది ఈ వీడియోపై తమ స్పందనలను తెలియజేశారు.``నన్ను నమ్మండి, అతను నిద్రపోతున్నాడు``, ``ఇది కోల్‌కతలోనిది.. ముంబై రోడ్లు ఇంత ఖాళీగా ఉంటాయా`` అంటూ నెటిజన్లు కామెంట్లు చేశారు.
Updated Date - 2023-11-22T17:26:58+05:30 IST