Bengaluru: వామ్మో.. జస్ట్ మిస్.. కిరాణా షాప్ ముందు నిల్చుని మహిళ సరుకులు కొంటుండగా..
ABN, First Publish Date - 2023-08-30T20:28:40+05:30
బెంగళూరు బీటీఎం లే-ఔట్‌లో ఒక మహిళ వెంట్రుక వాసిలో ప్రమాదం నుంచి తప్పించుకుంది. రోడ్డు పక్కన ఉన్న దుకాణం ముందు ఒక మహిళ నిల్చుని ఫోన్‌లో మాట్లాడుతూ ఉండగా అటుగా ఓ కారు రయ్‌మని దూసుకొచ్చింది. దుకాణం ముందు ఉంచే సామాన్ల మీదుగా మెరుపు వేగంతో వెళ్లిపోయింది.
బెంగళూరు బీటీఎం లే-ఔట్‌లో ఒక మహిళ వెంట్రుక వాసిలో ప్రమాదం నుంచి తప్పించుకుంది. రోడ్డు పక్కన ఉన్న దుకాణం ముందు ఒక మహిళ నిల్చుని ఫోన్‌లో మాట్లాడుతూ ఉండగా అటుగా ఓ కారు రయ్‌మని దూసుకొచ్చింది. దుకాణం ముందు ఉంచే సామాన్ల మీదుగా మెరుపు వేగంతో వెళ్లిపోయింది. ఆ మహిళ దుకాణానికి కొంచెం లోపల వైపుకు నిల్చుని ఉండటంతో త్రుటిలో ప్రమాదం తప్పింది. ఆగస్ట్ 29న, మంగళవారం ఉదయం 10:42 నిమిషాలకు ఈ ఘటన జరిగింది. షాపుకు సమీపంలోని సీసీ కెమెరాల్లో ఈ దృశ్యాలు రికార్డయ్యాయి.
ఈ 55 సెకన్ల సీసీ టీవీ ఫుటేజీలో ఏముందంటే.. ఒక మహిళ దుకాణం ముందు నిల్చుని కిరాణా వస్తువులు కొంటోంది. ఇంతలో కాల్ రావడంతో మాట్లాడుతూ ఉండిపోయింది. షాపులో ఉన్న వాళ్లు ఆమె చెప్పిన వస్తువులు ప్యాక్ చేసే పనిలో ఉన్నారు. ఇంతలో సెకన్ల వ్యవధిలోనే ఓ కారు అమాంతం ఆ దుకాణం మీదకు దూసుకొచ్చింది. ఆల్‌మోస్ట్ దుకాణం ముందు నిల్చున్న ఆ మహిళ మీదకు కారు దూసుకొచ్చినంత పనయింది. SUV కారుగా పోలీసులు గుర్తించారు. ఆ కారు డ్రైవర్ తాగేసి కారు నడపడం వల్ల ఇలా జరిగిందా లేక ర్యాష్ డ్రైవింగ్ చేస్తూ ఇలా చేశాడా అనేది తెలియాల్సి ఉంది. ఆ కారును గుర్తించిన పోలీసులు కేసు నమోదు చేసి దర్యాప్తు చేస్తున్నారు. బెంగళూరు బీటీఎం లే-ఔట్‌లో జరిగిన ఈ ఘటన స్థానికంగా కలకలం రేపింది. ఈ ఘటనలో అపాయం నుంచి తప్పించుకున్న ఆ మహిళ కొంతసేపు షాక్‌కు లోనైంది. ఆ తర్వాత తేరుకుని అక్కడి నుంచి వెళ్లిపోయింది.
Updated Date - 2023-08-30T20:31:50+05:30 IST