Ram Charan Craze: మెగా ఫ్యాన్స్‌కి గుడ్ న్యూస్.. పాపులర్ అమెరికా షోకి అతిథిగా రామ్‌చరణ్
ABN, First Publish Date - 2023-02-22T12:49:38+05:30
ఎస్‌ఎస్ రాజమౌళి (SS Rajamouli) దర్శకత్వంలో వచ్చిన ‘ఆర్ఆర్ఆర్’ (RRR) చిత్రం సృష్టించిన రికార్డుల గురించి అందరికీ తెలిసిందే.
ఎస్‌ఎస్ రాజమౌళి (SS Rajamouli) దర్శకత్వంలో వచ్చిన ‘ఆర్ఆర్ఆర్’ (RRR) చిత్రం సృష్టించిన రికార్డుల గురించి అందరికీ తెలిసిందే. ఈ చిత్రంతో డైరెక్టర్ రాజమౌళితో పాటు ఎన్టీఆర్ (NTR), రామ్ చరణ్‌ (Ram Charan)కి ప్రపంచవ్యాప్తంగా గుర్తింపు లభించింది. ముఖ్యంగా ‘నాటు నాటు’ పాటకి గానూ బెస్ట్ ఓరిజినల్ సాంగ్ విభాగంలో ప్రతిష్టాత్మక గోల్డెన్ గ్లోబ్ అవార్డు సాధించిన తర్వాత ఆ వారి పాపులారిటీ మరింత పెరిగింది. అలాగే ఈ మూవీలో రామ్‌చరణ్ నటనపై ‘అవతార్’ (Avatar) దర్శకుడు జేమ్స్ కామెరూన్ (James Cameron) ప్రశంసలు కురిపించిన సంగతి తెలిసిందే. ఈ తరుణంలోనే రామ్‌చరణ్‌‌కి ఓ అరుదైన గౌరవం దక్కింది.
అమెరికాలోని ప్రముఖ ఛానెలైన అమెరికన్ బ్రాడ్‌కాస్టింగ్ కంపెనీ (American Broadcasting Company) ప్రసారమయ్యే ‘గుడ్ మార్నింగ్ అమెరికా’ (Good Morning America) షోకి అతిథిగా వెళుతున్నాడు. ఈ షో ఫిబ్రవరి 22న మధ్యాహ్నం గం.1కి.. అలాగే రాత్రి గం.11.30కి ప్రసారం అవుతుంది. ఈ షోకి వెళ్లిన మొదటి భారతీయ నటుడు చెర్రీనే కావడం ఇక్కడ విశేషం.
ఇది కూడా చదవండి: Ram Charan: ‘ఆ హీరోయిన్స్ అంటే చాలా ఇష్టం.. అలాగే చూస్తుండిపోతా’
ఆ షోలో ‘ఆర్ఆర్ఆర్’ మూవీ అనుభవాలతో పాటు తన తదుపరి చిత్రాల గురించి చెర్రీ మాట్లాడనున్నాడు. అలాగే వ్యక్తిగత, వృత్తిగత విషయాల గురించి అమెరికా టీవీ ప్రేక్షకులతో పంచుకోనున్నాడు. చరణ్‌కి ఇలాంటి అవకాశం రావడం.. టాలీవుడ్‌తో పాటు భారతీయ సినిమాకి ప్రపంచవ్యాప్త గుర్తింపు లభిస్తుందనడానికి చిహ్నం. ఈ విషయం తెలిసి మెగా ఫ్యాన్స్ పండగ చేసుకుంటున్నారు.
Updated Date - 2023-02-22T12:49:41+05:30 IST