Viral Video: ఆనంద్ మహీంద్రా మనసు దోచుకున్న వీడియో.. భారీ వర్షంలో మనుషుల మధ్య ఆశ్రయం పొందిన జింకలు!
ABN, First Publish Date - 2023-07-30T11:49:19+05:30
ప్రముఖ పారిశ్రామికవేత్త ఆనంద్ మహీంద్రా షేర్ చేసే వీడియోలు, ఆయన చేసే ట్వీట్‌లు ఎంతగానో ఆకట్టుకుంటాయి. సోషల్ మీడియాలో యాక్టివ్‌గా ఉండే ఆనంద్ మహీంద్రా తనకు నచ్చిన వాటిని ట్విటర్‌లో షేర్ చేస్తుంటారు. వాటిల్లో కొన్ని మానవ సంబంధాలను ఉద్దేశించినవి, కొన్ని విజ్ఞానం పంచేవి ఉంటాయి.
ప్రముఖ పారిశ్రామికవేత్త ఆనంద్ మహీంద్రా (Anand Mahindra) షేర్ చేసే వీడియోలు, ఆయన చేసే ట్వీట్‌లు ఎంతగానో ఆకట్టుకుంటాయి. సోషల్ మీడియాలో యాక్టివ్‌గా ఉండే ఆనంద్ మహీంద్రా తనకు నచ్చిన వాటిని ట్విటర్‌లో షేర్ చేస్తుంటారు. వాటిల్లో కొన్ని మానవ సంబంధాలను ఉద్దేశించినవి, కొన్ని విజ్ఞానం పంచేవి, కొన్ని కొందరి సృజనాత్మకత బయటపెట్టేవి మొదలైన వీడియోలు ఉంటాయి. తాజాగా ఆయన షేర్ చేసిన వీడియో (Viral Video)చాలా మందిని ఆకట్టుకుంటోంది.
వైరల్ అవుతున్న ఆ వీడియోలో భారీ వర్షం కురుస్తుండగా ఓ బిల్డింగ్‌లో మనుష్యులు, జింకలు ఆశ్రయం పొందుతున్నారు. ``జపాన్‌ (Japan)లోని నారాలో సికా జింకలు (Sika deers) భారీ వర్షం (Heavy Rains), పిడుగులు పడుతుండగా అవి మనుషులను నమ్మి వారి దగ్గర ఆశ్రయం పొందుతున్నాయి. ఈ వీడియోను సేవ్ చేసుకుంటా. ప్రపంచం ఎలా ఉండాలో గుర్తు చేసుకోవాలనుకున్నప్పుడల్లా ఈ వీడియోను వీక్షిస్తాను`` అంటూ ఆనంద్ మహీంద్రా ఈ వీడియోను పోస్ట్ చేశారు.
Viral Video: ``మాయ ఎవరు?``.. పెళ్లి పీటలపై వధువుకు అనుమానం.. వరుడి రియాక్షన్ ఏంటంటే..
ఈ వీడియో సోషల్ మీడియాలో దూసుకుపోతోంది (Trending). ఈ వీడియోను ఇప్పటివరకు 12 లక్షల మంది వీక్షించారు. 21 వేల మంది ఈ వీడియోను లైక్ చేశారు. ఈ వీడియోపై తమదైన శైలిలో కామెంట్లు చేశారు. ``ఆ జింకలు మనుషులను ఎంతగానో నమ్ముతాయి``, ``కలిసి జీవించడమే ఈ భూమిపై జీవుల మనుగడకు ఆధారం``, ``ఎంత అందంగా ఉంది`` అంటూ కామెంట్లు చేస్తున్నారు.
Updated Date - 2023-07-30T11:49:19+05:30 IST