AR Rahman: భార్యను భాష మార్చమన్న ఏఆర్ రెహ్మాన్.. ఇంతకీ ఆమె ఏ భాషలో మాట్లాడిందంటే..
ABN, First Publish Date - 2023-04-27T12:32:06+05:30
చెన్నైలో విగటన్‌ అవార్డుల ప్రదానోత్సవ కార్యక్రమం జరిగింది. ఇందులో ఉత్తమ సంగీత దర్శకుడు అవార్డును అందుకున్న ఏ.ఆర్ రెహ్మాన్(AR Rahman)..
అడయార్‌(చెన్నై): ఇటీవల చెన్నైలో విగటన్‌ అవార్డుల ప్రదానోత్సవ కార్యక్రమం జరిగింది. ఇందులో ఉత్తమ సంగీత దర్శకుడు అవార్డును అందుకున్న ఏ.ఆర్ రెహ్మాన్(AR Rahman).. ఇదే కార్యక్రమానికి హాజరైన తన భార్య సైరా బానును వేదికపైకి రావాలని ఆహ్వానించారు. ఆ తర్వాత రెహ్మాన్ మాట్లాడుతూ.. సాధారణంగా నా ఇంటర్వ్యూలను తిరిగి చూడను. కానీ ఈమె మాత్రం పదేపదే చూస్తుంటారు’ అన్నారు. సైరా బాను మైక్‌ అందుకుని మాట్లాడేందుకు ప్రయత్నించారు. ఆ వెంటనే రెహ్మాన్ జోక్యం చేసుకుని.. ‘హిందీలో వద్దు తమిళంలో మాట్లాడు ప్లీజ్‌’ అంటూ కోరారు. కానీ ఆమె ఇంగ్లీషులో మాట్లాడారు. ‘క్షమించాలి... నాకు తమిళం స్పష్టంగా రాదు. అందుకే ఇంగ్లీషులో మాట్లాడుతాను. నేను చాలా సంతోషంగా ఉన్నాను. రెహ్మాన్ వాయిస్‌ అంటే అమితమైన ఇష్టం. ఆ వాయి్‌సకే నేను ప్రేమలో పడిపోయాను’ అని చెప్పారు.
Updated Date - 2023-04-27T12:32:06+05:30 IST