Bus: అమ్మో.. ఏకంగా బస్సు టాప్ లేచిపోయిందిగా..
ABN, First Publish Date - 2023-05-31T11:17:57+05:30
తిరువళ్లూరు జిల్లా మీంజూరు యూనియన్లోని ప్రళయంబాక్కం వద్ద మంగళవారం సాయంత్రం బలంగా ఈదురుగాలులు వీచడంతో బస్సు టాప్ లేచిపో
గుమ్మిడిపూండి(చెన్నై): తిరువళ్లూరు జిల్లా మీంజూరు యూనియన్లోని ప్రళయంబాక్కం వద్ద మంగళవారం సాయంత్రం బలంగా ఈదురుగాలులు వీచడంతో బస్సు టాప్ లేచిపోయింది. వివరాలిలా వున్నాయి... పళవేర్కాడు నుంచి సెంగుట్రంకు 558బి నెంబరు గల బస్సు(Bus) బయలుదేరింది. ఆ బస్సు ప్రళయంబాక్కం వద్దకు వచ్చిన సమయంలో ఒక్కసారిగా వాతావరణంలో మార్పులు చోటు చేసుకోవడంతో పాటు ఈదురుగాలులు వీచాయి. దీంతో బస్సు పైకప్పు ఒక్కసారిగా ఎగిరిపోయింది. దీంతో బస్సులోని ప్రయాణికులంతా ఒక్కసారిగా హాహాకారాలు చేశారు. గమనించిన బస్సు డ్రైవర్ హఠాత్తుగా బ్రేకులు వేయడంతో ప్రమాదం తప్పినట్లయింది. అనంతరం ప్రయాణికులు ఇతర వాహనాల్లో గమ్యస్థానాలకు వెళ్లిపోయారు.
Updated Date - 2023-05-31T11:17:57+05:30 IST