Dog Drinks Beer: పెంపుడు కుక్కకు బలవంతంగా బీర్ తాగించిన యువతి.. చివరకు ఇప్పుడామె పరిస్థితి ఏంటంటే..!
ABN, First Publish Date - 2023-09-08T17:12:13+05:30
తన పెంపుడు కుక్కతో క్రూరంగా వ్యవహరించిన ఓ యువతికి తగిన శాస్తి జరిగింది. సోషల్ మీడియా వీడియో కోసం ఆ యువతి తన పెంపుడు కుక్క చేత బలవంతంగా బీర్ తాగించింది. ఆ వీడియోను ఇన్స్టాగ్రామ్లో పోస్ట్ చేసింది. సోషల్ మీడియా వ్యూస్ కోసం ఆ వీడియో తీసిన యువతి పెద్ద సమస్యలో చిక్కుకుంది.
తన పెంపుడు కుక్క (Pet Dog)తో క్రూరంగా వ్యవహరించిన ఓ యువతికి తగిన శాస్తి జరిగింది. సోషల్ మీడియా వీడియో కోసం ఆ యువతి తన పెంపుడు కుక్క చేత బలవంతంగా బీర్ (Beer) తాగించింది. ఆ వీడియోను ఇన్స్టాగ్రామ్లో పోస్ట్ చేసింది. ఆ వీడియో సోషల్ మీడియాలో వైరల్‌గా (Viral Video) మారింది. సోషల్ మీడియా వ్యూస్ కోసం ఆ వీడియో తీసిన యువతి పెద్ద సమస్యలో చిక్కుకుంది. ఆమె కోసం గాలించిన పోలీసులు చివరకు పట్టుకున్నారు. ఆమెను అదుపులోకి తీసుకున్నారు (Dog Drinks Beer).
డెహ్రాడూన్‌ (Dehradun)కు చెందిన ఆ యువతి ఓ రెస్టారెంట్‌లో పని చేస్తుంటుంది. అప్పుడప్పుడు విచిత్రమైన వీడియోలు రూపొందించి తన ఇన్‌స్టాగ్రామ్ (Instagram) ఖాతాలో పోస్ట్ చేస్తుంటుంది. కొన్ని రోజుల క్రితం తన పెంపుడు కుక్కకు బలవంతంగా బీర్ పట్టించింది. ఆ ఘటనను ఆమె స్నేహితుడు వీడియో తీశాడు. ఆ వీడియోను ఇన్స్టాగ్రామ్లో పోస్ట్ చేశారు. ఆ వీడియో అలా వైరల్ అయి జంతు సంరక్షణ సమితి వరకు వెళ్లింది. వెంటనే వారు పోలీసులకు ఫిర్యాదు చేశారు. ఆ అమ్మాయి ఆచూకీ తెలుసుకునేందుకు పోలీసులు ప్రయత్నించారు.
Viral Video: వారెవ్వా.. ఈ వయసులోనే ఇంత టాలెంటా..? కాలం కలిసొస్తే.. ఈ పిల్లాడే ఫ్యూచర్‌లో టాప్ సెలబ్రెటీ అవడం పక్కా..!
పోలీసులు ఎన్ని సార్లు ఫోన్లు చేసినా ఆ అమ్మాయి కాల్స్ లిఫ్ట్ చేయలేదు. మెసేజ్‌లకు రిప్లైలు ఇవ్వలేదు. చివరకు పలు మార్గాల్లో అన్వేషించి ఆ అమ్మాయి అడ్రస్‌ను పోలీసులు సంప్రదించారు. ఆ యువతి మీద, ఆమె స్నేహితుడి మీద కేసు నమోదు చేశారు. ఆమెను, ఆమె స్నేహితుడిని అదుపులోకి తీసుకున్నారు. వారి నుంచి స్టేట్‌మెంట్లు తీసుకుంటామని పోలీసులు వెల్లడించారు.
Updated Date - 2023-09-08T17:12:13+05:30 IST