KA Paul: అదుర్స్ సీన్ రిపీట్.. ప్రసంగం మధ్యలో కేఏ పాల్ కామెడీ పంచ్
ABN, Publish Date - Dec 27 , 2023 | 06:21 PM
Viral Video: వంగవీటి మోహన్‌రంగా ఆమరణ నిరాహార దీక్ష చేసిన రోజు కావడంతో సోమవారం నాడు విజయవాడలో కేఏ పాల్ మీడియా ముందుకు వచ్చారు. ఈ సందర్భంగా విజయవాడలో కేఏ పాల్ ప్రసంగిస్తుంటే..
మీకు అదుర్స్ సినిమాలో బ్రహ్మానందం కామెడీ గుర్తుండే ఉంటుంది. బ్రహ్మానందం ఏం మాట్లాడినా వెనుక హీరో జూనియర్ ఎన్టీఆర్ నవ్వుతూనే ఉంటాడు. ముఖ్యంగా పబ్ సీన్‌లో అమ్మాయిలు బ్రహ్మానందపై జోకులు వేస్తున్నప్పుడు తారక్ వెనకాల నిలబడి సైలెంట్‌గా నవ్వుతుంటాడు. అప్పుడు ఒక సీన్‌లో బ్రహ్మానందం వెనక్కి తిరిగి చూడగానే.. ఎన్టీఆర్ సైలెంట్ అయిపోతాడు. ఇందుకు ‘మనసులో నవ్వుకుంటున్నావు కదరా చారి’ అని బ్రహ్మానందం అంటాడు. తాజాగా ఇలాంటి సీన్ నిజంగా రియల్ లైఫ్‌లో రిపీటైంది.
అసలు విషయంలోకి వెళ్తే.. వంగవీటి మోహన్‌రంగా ఆమరణ నిరాహార దీక్ష చేసిన రోజు కావడంతో సోమవారం నాడు విజయవాడలో కేఏ పాల్ మీడియా ముందుకు వచ్చారు. ఈ సందర్భంగా విజయవాడలో కేఏ పాల్ ప్రసంగిస్తుంటే వెనుక నిలబడి ఉన్న ఇద్దరు యువకులు నవ్వుకుంటారు. కేఏ పాల్ వెనక్కి చూడగానే వాళ్లు సైలెంట్ అయిపోతారు. అప్పుడు కేఏ పాల్ ‘నవ్వుకుంటున్నారు కదా.. నా పంచ్ ఎలా ఉంటుందో తెలుసా.. అదే లైవ్ అయిపోయిద్ది’ అని చెప్పడంతో ప్రస్తుతం ఈ వీడియో సోషల్ మీడియాలో వైరల్ అవుతోంది. రాజకీయాల్లో కేఏ పాల్ కామెంట్లు విచిత్రంగా ఉంటాయి. ఆయన ఏం చెప్పినా కామెడీగానే చెప్తుంటారని అందరూ చర్చించుకుంటారు. ఇటీవల జనసేన అధినేత పవన్ కళ్యాణ్ తన పార్టీలోకి వస్తే సీఎంను చేస్తానని చెప్పడం.. తనతో కలిసి వస్తే జనసేన పార్టీకి 48 సీట్లు ఇస్తానని కేఏ పాల్ చెప్పడం సోషల్ మీడియాలో చర్చనీయాంశంగా మారింది.
Updated Date - Dec 27 , 2023 | 06:21 PM
